سپۆرت میدیا
شاندێكی یەكێتی تۆپی پێی هەرێمەكان سه‌ردانی سلێمانی كرد و له‌گه‌ڵ قائیمقامی سلێمانی كۆبوه‌وه و له‌باره‌ی به‌ڕێوه‌چونی به‌ڕێوه‌چونی پاڵه‌وانێتی جامی جیهانی هەرێمەكان گفتوگۆیان كرد.
قائیمقامیەتی سلێمانی له راگه‌یه‌ندراوێكدا بڵاویكرده‌وه، ئەمڕۆ سێشەممە ئاوات محەمەد قائیمقامی سلێمانی پێشوازی لە شاندێكی یەكێتی تۆپی پێی هەرێمەكان (كۆنیفا) كرد، لەكۆبونەوەیەكدا كورتەیەك لەسەر بوارەكانی مێژو، كلتور، وەرزش، گەشتوگوزار و بوارەكانی دیكەی شاری سلێمانی بۆ میوانەكان باسكرا.
ئاوات محه‌مه‌د رایگه‌یاند، “شاری سلێمانی پێشوازی لە بەڕێوەچونی جامی جیهانی هەرێمەكان دەكات و شارەكە توانای لەخۆگرتنی ئەو گەشتیار و هاندەری وەرزشانە هەیە كە سەردانی شارەكە دەكەن”.
قائیمقامی سلێمانی هیواشی خواست، پاڵەوانیەتییەكە بەسەركەوتویی بەڕێوەبچێت، وتیشی، “وەكو حكومەت و لایەنی پەیوەندیدار بە وەرزش هەمو شێوەیەك ئاسانكاریی بۆ بەڕێوەچونی جامی جیهانی هەرێمەكان لە كوردستان دەكەین”.
مۆندیالی هەرێمەكان یاخود پاڵەوانێتیی كۆنیفا لەلایەن رێكخراوی سەربەخۆی تۆپی پێی نێودەوڵەتییەوە رێكدەخرێت
مۆندیالی هەرێمەكان یاخود پاڵەوانێتیی كۆنیفا لەلایەن رێكخراوی سەربەخۆی تۆپی پێی نێودەوڵەتییەوە “كۆنیفا” رێكدەخرێت، هەڵبژاردەی هەرێمی كوردستان تاوەكو ئێستا سێ جار بەشداریی پاڵەوانێتییەكەی كردوە.
دوێنێ دوشه‌ممه شاندێكی كۆنیفا لە رێگەی فڕۆكەخانەی نێودەوڵەتیی هەولێرەوە گەیشتە هەرێمی كوردستان، شاندەكەی كۆنیفا یاریگاكانی هەولێر و سلێمانی و دهۆك بەسەردەكەنەوە
شاندەكەی كۆنیفا راپۆرتی خۆیان لەبارەی یاریگاكانی هەرێمی كوردستانەوە دەنێرن و پاشان بڕیار لەسەر ئەو شوێنە دەدرێت، كە میوانداریی پاڵەوانێتییەكە دەكات لە ساڵی 2024دا.