له یارییه‌كی چوارگۆشه‌ی زێڕینی پاڵه‌وانیه‌تی دێرینه‌كانی (عه‌قه‌به)، هه‌ڵبژارده‌ی دێرینه‌كانی هه‌ولێر ڕووبه‌ڕووی هه‌ڵبژارده‌ی دێرینه‌كانی جه‌زائیر بووه.
دوای یه‌كسانبوونی هه‌ردوولا له كاتی ئاسایی به‌گۆڵێك بۆ هه‌رلایه‌كیان كه گۆڵی دێرینه‌كانی هه‌ولێر یاریزان (سرود حمه‌ڕه‌شید) تۆماریكرد، دواجار به‌لێدانه‌كانی یه‌كلاكه‌ره‌وه له خاڵی سزا هه‌ڵبژارده‌ی دێرینه‌كانی هه‌ولێر یارییه‌كه‌ی به ئه‌نجامی (6) گۆڵ به‌رامبه‌ر به (5) گۆڵ برده‌وه‌و خۆی گه‌یانده یاری كۆتایی پاڵه‌وانیه‌تیه‌كه.
وابریاریشه ئه‌مشه‌و له كات 8:30 له یاری كۆتایی هه‌ردوو هه‌لبژارده‌ی دێرینه‌كانی (هه‌ولێر و ئه‌نبار) ڕووبه‌رووی یه‌كترببنه‌وه كه هه‌ڵبژارده‌ی دێرینه‌كانی ئه‌نبار توانیبوویان به‌بردنه‌وه له هه‌ڵبژارده‌ی دێرینه‌كانی مه‌غریب به‌لێدانه‌كانی یه‌كلاكه‌ره‌وه خۆیان بگه‌یه‌نن یاری كۆتایی.
ئه‌رده‌ن:ئومێد ئیبراهیم