یانەی بەرشەلۆنەی کەتەلۆنی بۆ وەرزی ئایندە بەشداری یارییەکانی یانە پاڵەوانەکانی ئەوروپا دەکات.
لە ماڵپەری تایبەت بەخۆی یەکێتی تۆپی پیی ئەورووپی ناسراو بە یوفا ڕایگەیاند، سەرەرای ئەوەی لێکۆڵینەوەکانمان لەسەر دۆسیەی نیگێرا بەردەوامی هەیە، بەڵام ڕێگە بە یانەی بەرشەلۆنە دەدرێت بۆ وەرزی داهاتوو بەشداری یانە پاڵەوانەکانی ئەوروپا بکات کە بە چامیۆنسلیگ ناسراوە.
لە نووسراوەکەدا یوفا ئاماژەی بەوەشکردووە، ڕێگەدان بە بەشداریکردنی بلاوگرانا لە چامپیۆنسلیگ بە شێوەیەکی کاتییە و ئەگەر لە داهاتوودا تۆمەتەکانی لەسەر ساغ ببێتەوە ئەوا بۆ وەرزەکانی دواتر سزا دەدرێت.
لە چەند مانگی ڕابردوو دۆسیەی نیگێرا کە یانە کەتەلۆنییەکە تۆمەتبار دەکات بەوەی بەرتیلی بە داوەرەکان دابێت جوڵێندراوە و یوفا بە جددی بە دوایی ڕاستیەکاندا دەچێت.
یانەی بەرشەلۆنە وەرزی رابردوو توانی نازناوی لالیگا بباتەوە و بەو جۆرەش وەک سەرۆک کۆمەڵە لە چامپیۆنسلیگ بەشدار دەبێت.