له رێگه‌ى فرۆكه‌خانه‌ى نێوده‌وڵه‌تى به‌غداده‌وه، به‌ره‌به‌یانى ئه‌مرۆ چوارشه‌ممه شاندى هه‌ڵبژارده‌ى تۆپى پێى ئۆلۆمپیی عێراق به‌ره‌و وڵاتى فه‌ره‌نسا به‌رێككه‌وتن به مه‌به‌ستى كردنه‌وه‌ى كه‌مپێكى مه‌شق و راهێنان پێش ده‌ستپێكى ركابه‌رییه‌كانى تۆپى پێ له یارییه‌كانى ئۆلۆمپیاد.
شانده‌كه به ته‌واوى یاریزانه‌كه‌وه گه‌شتى وڵاتى فه‌ره‌نساى كردو پێش گه‌یشتنیان به فرۆكه‌خانه‌ى تۆلۆز له فه‌ره‌نسا بڵند ئازادى یاریزانى پیشه‌گه‌رى كورد گه‌یشته خاكى فه‌ره‌نسا به‌مه‌به‌ستى په‌یوه‌ندیكردن به پێكهاته‌ى هه‌ڵبژارده‌كه‌وه.
بریاره پاش گه‌یشتن وپشوودانێكى كورتێكى شانده‌كه كه‌مپى هه‌ڵبژارده‌كه ده‌ستپێده‌كات و چه‌ند یارییه‌كى دۆستانه‌ش ئه‌نجامبده‌ن پێش یارییه‌كانیان له قۆناغى كۆمه‌ڵه‌كان كاتێك له‌و قۆناغه له‌یه‌كه‌م یاریی له 24ـى ئه‌م مانگه به‌رامبه‌ر ئۆكرانیا سێ رۆژ پاش ئه‌و یارییه‌ش به‌رامبه‌ر ئه‌رجه‌نتین و دواتریش له 30 مانگ رووبه‌رووى مه‌غریب ده‌بێته‌وه.