سه‌فین كانه‌بى ، سه‌رۆكى یه‌كێتیی تۆپى پێى كوردستان ئاشكرایكرد ، پاداشتى چه‌ندین مانگى پێشووى ناوبژیوانان و سه‌رپه‌رشتیارانى خوله‌كانى تۆپى پێى كوردستان دابه‌ش ده‌كرێت .
كانه‌بى له راگه‌یه‌ندراوێك ئاشكرایكردووه ، ئه‌مرۆ حكومه‌تى هه‌رێم پاداشتى سه‌رپه‌رشتیاران و ناوبژیوانانى خوله‌كانى تۆپى پێى كوردستانى به‌خشى پێمان ، له سبه‌ینێ دووشه‌ممه‌وه پاره‌كه دابه‌ش ده‌كه‌ین .
كانه‌بى ده‌ڵێت ، سەرباری خراپی تەندروستییم، هەمیشە لە بیری ئێوە دابوومە، بۆ ئەوەی شایستە داراییەکانتان بۆ دابین بکەم، کە ئەمە واجبی سەرشانمە و هیچ منەتی تێدا نییە، بۆیە بە سوپاسەوە ئەمڕۆ یەکشەممە ٢٠٢٠/٦/٧ لە لایەن حکومەتی هەرێمی کوردستان شایستە داراییەکان بۆ ئێوەی ئازیز پەسند کرا، بۆیە سەرجەم سەرپەرشتیاران و ناوبژیوانانی کوردستان یان نوێنەریان ئاگادار دەکەمەوە، سبەی دووشەممە ٢٠٢٠/٦/٨ لە کاتژمێر ١١:٠٠ ـی بەیانی لە بارەگەی یەکێتی تۆپی پێی کوردستان ئامادەبن، بۆ وەرگرتنی مافەکانتان، هەر کەسێکیش نەیتوانی بێتە بارەگەی یەکێتی تۆپی پێی کوردستان، برای بەڕێزم (کرێکار زرار) سەرۆکی لێژنەی ناوبژیوانانی کوردستان، هەموو کارئاسانی و هاوکارییەکیان دەکات.
وه‌رزش -تایبه‌ت