به ره‌سمى ، تیپى باله‌ى یانه‌ى پێشمه‌رگه‌ى سلێمانى بووه پاڵه‌وانى یانه‌كانى عێراق پاش ئه‌وه‌ى شه‌وى رابردوو له كۆبوونه‌وه‌یه‌كى یه‌كێتیی تۆپى باله‌ى عێراق بریاردرا یارییه‌كانى قۆناغى ته‌واوكارى ئه‌نجام نه‌دات.
به پێى بریارى كۆتایى یه‌كێتییه‌كه كه له رێگه‌ى زوومه‌وه ئه‌نجامدراوه ، ئه‌نجامى گردبوونه‌وه‌ى كۆتایى شارى هه‌ولێر هه‌ژمار كراوه‌و به‌وه‌ش یانه‌ى پێشمه‌رگه‌ى سلێمانى بووه پاڵه‌وان و به‌حرى پله‌ى دووه‌م .
بریاریشه له كۆبوونه‌وه‌ى داهاتووى یه‌كێتییه‌كه كارنامه‌ى وه‌رزى داهاتوو هه‌روه‌ها به‌شداریكردن له پاڵه‌وانێتییه‌كانى ده‌ره‌وه گفتوگۆى له‌سه‌ر بكرێت .
سپۆرت میدیا -راگه‌یاندنى یه‌كێتیی تۆپى باله‌ى عێراق