دالیا ئه‌حمه‌د ؛ ناوێكى گه‌وره‌ له‌ مێژووى راكردنى ماوه‌ درێژه‌كانى كوردستان

كه‌من ئه‌و ئافره‌تانه‌ى كه‌ له‌ مێژووى وه‌رزشى كوردستان و عێراق له‌ راكردنى ماوه‌ درێژو یارییه‌كانى گۆڕه‌پان و مه‌یدان چه‌ندین مه‌دالیایان ده‌سته‌به‌ر كردبێت و توانیبێتیان ناوی خۆیان له‌ مێژووى ئه‌و یارییانه‌ بنووسنه‌وه‌ .

یه‌كێك له‌ ناوه‌ دیاره‌كانى مێژووى گۆره‌پان و مه‌یدانى كوردستان و عێراق و ته‌نانه‌ت وڵاتانى عه‌ره‌بیش یاریزانى پێشوو ، دالیا ئه‌حمه‌ده‌ .

دالیا ئه‌حمه‌د محه‌مه‌د ، له‌ دایكبووى ساڵى ١٩٩١، ئه‌و هه‌ر له‌سه‌ره‌تاى منداڵیه‌وه‌ به‌ پاڵپشتى خێزانه‌كه‌ى بووه‌ به‌ وه‌رزشكارێكى دیار به‌ تایبه‌ت له‌ یارییه‌كانى گۆره‌پان و مه‌یدان .

دالیا ساڵى ٢٠٠٥ له‌ شارى هه‌ولێر به‌شدارى راكردنێكى ماوه‌ درێژى٥ كیلۆمه‌تر ده‌كات و له‌و راكردنه‌ پله‌ى سێیه‌م ده‌سته‌به‌ر ده‌كات .

دالیا هه‌ر زوو ده‌بێته‌ یاریزانێكى سه‌ره‌كى هه‌ڵبژاره‌ى گۆره‌پان و مه‌یدانى عێراق و یانه‌ى پێشمه‌رگه‌ى سلێمانى له‌ ژیانى وه‌رزشى به‌شدارى چه‌ندین پاڵه‌وانێتى ده‌ره‌وه‌ى له‌گه‌اڵ عێراق كردووه‌ له‌ وڵاتانى سوریاو ئه‌رده‌ن و لوبنان و میسر ، هه‌روه‌ها له‌ شاره‌كانى به‌غدادو هه‌ولێرو دهۆك و سلێمانى و كه‌ركوك به‌شدارى چه‌ندین پاڵه‌وانێتى و راكردنى ماوه‌ درێژى كردووه‌ .

دالیا به‌ ئافره‌ته‌ پاڵه‌وانه‌كه‌ى راكردنى ماوه‌ درێژه‌كان ناسرا بوو ، له‌ ژیانى وه‌رزشى به‌شدارى چه‌ندین مه‌وداى راكردنى جۆراو جۆرى كردووه‌، راكردنى ٤٠٠ مه‌تر ، ٨٠٠ مه‌تر ، پۆسته‌و ١٥٠٠ مه‌تر، ٣٠٠٠ مه‌تر ، ٣٠٠٠ مه‌تر به‌ربه‌ست، ٥ كیلۆمه‌تر ، ١٠ كیلۆمه‌تر ، ٢١ كیلۆمه‌تر .و له‌و نێوه‌ده‌شدا خاوه‌نى چه‌ندین مه‌دالیاى جۆراو جۆرى پاڵه‌وانێتییه‌كانى ده‌ره‌وه‌یه‌ له‌ نێویاندا دوو مه‌دالیاى رۆژئاواى ئاسیا له‌ وڵاتى میسر له‌ ماوه‌ى شه‌وو رۆژێك له‌ راكردنى ١٠ كیلۆمه‌ترو ٢١ كیلۆمه‌تر.

دالیا یه‌كێكه‌ له‌و راكه‌ره‌ ئافره‌تانه‌ى زۆرترین به‌شدارى له‌ ماراسۆنى نێوده‌وڵه‌تى به‌یروت هه‌یه‌ كه‌ ساڵانه‌ نزیكه‌ى ٤٥ هه‌زار راكه‌ر له‌ ١٠٠ وڵاته‌وه‌ به‌شدار ده‌بن و له‌ نێوان ساڵانى ٢٠٠٨ بۆ ٢٠١٢ به‌شدارى ئه‌و ماراسۆنه‌ى كردووه‌ و به‌ مه‌دالیاى ماراسۆنه‌كه‌وه‌ گه‌ڕاوه‌ته‌وه‌ شاره‌ حه‌یاته‌كه‌ .

دالیا خاوه‌ن بروانامه‌ى راهێنانى رێكخراوێكى نێوده‌وڵه‌تى وه‌رزشیه‌ كه‌ ماوه‌ى چه‌ندین ساڵ له‌ كوردستان كاریان كردووه‌و هاوكات هه‌ڵگرى خاوه‌ن بروانامه‌ى دبلۆمى باڵاى وه‌رزشه‌ .

سپۆرت میدیا-تایبه‌ت

Exit mobile version
بازدە بۆ تووڵامراز