بەوێنەی هەموو سیستمێکی خۆراکی ، کێتۆ دایت کۆمەڵێک کاریگەری و زیانی لاوەکی هەیە بەڵام زۆربەیان کاتین یا بەدەرجەیەک سادەن و دواتر نامێنن بە مەرجێک ئەو کەسە پاپەندی تەواوی ڕێنمییاییەکان بێت ، لەوانە :
١- پەتا یا ئەنفلوانزای کێتۆ : زۆربەی کات لە ماوەی هەفتەیەک نامێنێت و لە نیشانەکانی ، لەش داهێزران، بێ تاقەتی ، سەرئێشه ، ئازاری لەش و جومگەکان .
٢- قەبزی و ئاوسانی سک .
٣- کەمی ڤیتامین و کانزاکان.
٤- دابەزینی ئاستی شەکرەی خوێن .
٥- سەرئێشە و گێژی و هیلاکی و شەکەتی بەردەوام و تووڕەیی .
٦- وەرینی مووەکانی قژ .
٧- دروست بوونی بەردی گورچیلە : بە تایبەت ئەگەر ئەو کەسە پێشتر کێشەی سستی گورچیلە یا نەخۆشی درێژخایەنی گورچیلەی هەبێت و بڕی پێویست ئاو نەخواتەوە و سەوزە و میوە ڕێگاپێدراوەکان نەخوات .
٨- دابڕانی کۆمەڵایەتی یا گۆشەگیری ، بە هۆی جیاوازی لە جۆری خۆراکی ڕۆژانە .
٩- زیاد بوونەوەی کێش بە خێرایی دوای وازهێنان لە پڕۆگرامی کێتۆ.
١٠- وشک بوونەوەی جەستە و دابەزینی فشاری خوێن بە هۆی پڕۆسەی کێتۆسس و زۆر میزکردنەوە .