له شارى سلێمانى به چاودێرى و سه‌رپه‌رشتى یه‌كێتى له‌شجوانى عیراق، خولى راهێنه‌رێتى له‌شجوانى ده‌ستیپێكرد .
خوله‌كه له‌سه‌ر ئاستى ئه‌ى به به‌شدارى چه‌ندین راهێنه‌رو فێرخوازه‌و ماوه‌ى پێنج رۆژ به شێوه‌ى تیۆرى و پراكتیكى له لایه‌ن پسپۆران و راهێنه‌رانى یارییه‌كه‌وه وانه‌كانى خوله‌كه ده‌گوترێته‌وه .
پاش ده‌سته‌به‌ركردنى بروانامه‌ى ئه‌م خوله، ته‌واوى راهێنه‌ران ده‌توانن له خوله‌كانى یه‌كێتیی له‌شجوانى له‌ده‌ره‌وه‌و ناوه‌وه به‌شدارى پێ بكات و هاوكات به‌رده‌وام بن له مه‌شقپێدانى ئه‌و یارییه له هۆڵه‌كان .