هه‌ڵبژارده‌ى ته‌مه‌نه جیاوازه‌كانى جومناسیكى عێراق ماوه‌یه‌كه مه‌شق و راهێنانه‌كانى چڕ كردۆته‌وه‌و ده‌یه‌وێت له سه‌كۆى پاڵه‌وانێتییه نێوده‌وڵه‌تى و كیشوه‌رى و جیهانیه‌كان ده‌ربكه‌وێته‌وه .
له كۆتاییه‌كانى ساڵى رابردوو ، یه‌كێتیی جومناسیكى عێراق له شارى به‌سره پاڵه‌وانیه‌تی كراوه پارێزگاكانی عێراق كرده‌وه تاوه‌كو له‌و روانگه‌یه‌وه تیپه جیاوازه‌كانى بونیاد بنێت .
هێرش عوسمان ، راهێنه‌رى فێرگه‌ى جومناسیكى سلێمانى و هه‌ڵبژارده‌ى عێراق له لێدوانێكى تایبه‌ت به جام كوردى رایگه‌یاند ، بۆیه‌كه‌م جار له‌مێژووی شاری سلێمانی له‌یاری جومناسیك له‌سه‌ر ئاستی بۆ پارێزگاكانی عێراق بۆئاستی تازه‌پێگه‌یشتوان له ئامێری جووڵه‌زه‌مینییه‌كان به‌شدارى له‌و پاڵه‌وانێتییه كرد ، به‌ره‌نجامى ئه‌وه‌ش یاریزانه كورده‌كانى شارى سلێمانى له‌سه‌ر ئاستی تیم بووینه پاڵه‌وانی عێراق .
وتیشى بۆئاستی باشترین یاریزان له ئامێری جووڵه زه‌مینییه‌كاندا بوینه یه‌كه‌م و یاریزان ( میردیارمحمد) یاریزانی شاری سلێمانی به‌باشترین یاریزانی پاڵه‌وانییه‌تێكه ده‌ست نیشانكرا .
پاڵه‌وانیه‌تی كراوه بۆئاسته‌كانی ( تازه‌پێگه‌یشتوان – پێگه‌یشتوان – پێشكه‌وتوان) پارێزگاكانی عێراق به‌سه‌ر په‌رشتی یه‌كێتی جومنستیكی عێراق به‌رێوه‌ده‌چوو .
ئه‌و راهێنه‌ره وتیشى له مانگى رابردوو ئه‌و یاریزانانه‌ى له پاڵه‌وانێتییه به‌سه‌ركه‌وتووانه به‌شداربوون له وڵاتى ئه‌رده‌ن چوونه كه‌مپێكى مه‌شق و راهێنانه‌وه تاوه‌كو ئاماده‌كارییان به‌رده‌وام بێت بۆ پاڵه‌وانێتییه‌كانى ئه‌مساڵ به تایبه‌ت پاڵه‌وانێتى جیهان كه بڕیاره له كۆتایى ئه‌مساڵ له شارى لیڤه‌رپوول له وڵاتى به‌ریتانیا به‌رێوه‌بچێت .