له عه‌ممانى پایته‌ختى ئه‌رده‌ن، هۆكارحه‌كیم یاریزانى پیشه‌گه‌رى یاری مواتاى یارییه‌كى پیشه‌گه‌رى ئه‌نجام ده‌دات.
یارییه‌كه‌ى ئه‌و یاریزانه كورده به‌رامبه‌ر یاریزانێكى ئه‌مه‌ریكییه له رۆژى ١٤-١٠-٢٠٢٢ له عه‌ممانى پایته‌ختى ئه‌رده‌ن
به‌رێوه‌ده‌چێت و ماوه‌یه‌كى زۆریشه ئه‌و یاریزانه سه‌رقاڵى مه‌شقه‌كانێتى تاوه‌كو سه‌ركه‌وتن به‌ده‌ستبهێنێت.
هۆكار خاوه‌نى نازناوى پاڵه‌وانێتى پیشه‌گه‌ران كه‌مه‌ربه‌ندى ( پشتێن)ى یه‌كێتیی مواتاى جیهانه.
هۆكار حه‌كیم له دایكبووى ساڵى ١٩٩٩وه ماوه‌ى چه‌ندین ساڵه یاریزانى یارى مواتاییه‌و له گه‌ڵ یانه‌ى ئاشتى خاوه‌نى چه‌ندین ده‌ستكه‌وته‌و له ساڵى رابردووش به به‌شدارى ١٣ وڵات له شارى سلێمانى وه‌ك نوێنه‌رو یاریزانى هه‌ڵبژارده‌ى عێراق به‌شدارى پاڵه‌وانێتى بژارده‌ى نێوده‌وڵه‌تى له سلێمانى كردو له كێشى خۆى له یارییه‌كى پرۆفیشناڵ توانى سه‌ركه‌وتن ده‌سته‌به‌ر بكات.
سلێمانى -هه‌رێز جه‌مال