وەزارەتی لاوان و وەرزش ئەو هەواڵانەی رەتكردەوە كە سەبارەت بە تووشبوونی عەدنان درجال بە كۆرۆنا بڵاوكراونەتەوە.
ئەمشەو مۆفەق عەبدولوەهاب بەڕێوەبەری راگەیاندنی وەزارەتی لاوان و وەرزش رایگەیاند عەدنان درجال وەزیری لاوان تەندروستی باشە و ئەو هەواڵانەش بە هیچ شێوەیەك راست نین كە سبارەت بە تووشبوونی بە كۆرۆنا بڵاوكراونەتەوە.
روونیشیكردەوە كە وەزیر دووجار پشكنینی وردی لە هەولێر و بەغدا ئەنجامداوە و ئەنجامەكانیشی نێگەتیڤ بوون.
ئەمشەو ماڵپەڕی شەفەقنیوز و چەند پەیجێكی عێراقی بڵاویانكردەوە كە ئەنجامی پشكنینەكانی عەدنان درجال وەزیری لاوان و وەرزش دەریخستووە كە وەزیر تووشی پەتای كۆرۆنا بووە.
لە ماوەی هەفتەیەكدا ئەمە دووەمجارە دەنگۆی تووشبوونی وەزیری لاوان و وەرزشی عێراق بە كۆرۆنا بڵاودەبێتەوە.
له میلله‌ته‌وه