رێستۆرانتى كاژاو له ناحیه‌ى سیته‌ك له‌لایه‌ن خێزانێكى وه‌رزشییه‌وه به‌ڕێوه‌ده‌برێت كه سه‌رجه‌میان وه‌رزشكارن، به‌ڵام جیاواز له‌و كارمه‌ندانه‌ى له ریستۆرانت و چێشتخانه‌كانی تر هەیە، به‌شێكی زۆرى كارمه‌ندانى ئه‌م ریستۆرانته یاریزانى یانه‌كانى خوله‌كانى كوردستان و یارییه جیاوازه‌كانن و 10 یاریزانی یانەکانی ئاشتی، دەربەندیخان، نەورۆز، تۆپی سەرمێزی پێشووی پێشمەرگە سلێمانی تێدایە.
یاد كه‌مال سه‌رپه‌رشتیارى رێستۆرانتى كاژاو رایگه‌یاند:” من پێشتر یاریزان بووم له خوله‌كانى كوردستان، له‌به‌رئه‌وه‌ش ئێستا زۆر له كارمه‌نده‌كانمان یاریزانى تۆپى پێ و یارییه‌كانی ترن له‌لاى ئێمه ئیش ده‌كه‌ن به‌هۆى وه‌ستانى خوله‌كانى كوردستانه‌وه”.
https://www.facebook.com/payamtv/videos/856104478248290/?t=0
وتیشی:” زۆر راسته جیاوازییه‌كى زۆر هه‌یه له ئیش و كاره‌كانماندا كه دوو پیشه‌ى جیاوازه، به‌ڵام به‌هۆى بێ ئیشییه‌وه و زۆر دانیشتنیان له ماڵه‌وه هاتوون لێرە ئیش دەکەن، بۆیه زۆر لێیان رازییم له هه‌موو روویه‌كه‌وه ئه‌وانیش ئیش و كاره‌كانیان به باشی جێبه‌جێده‌كه‌ن لەگەڵ رێنماییە تەندروستییەکان”.
راشیگه‌یاند:” نه‌ك وه‌رزشكاران، به‌ڵكو له‌سه‌رجه‌م چین و توێژه‌كان روومان تێده‌كه‌ن، له‌به‌رئه‌وه پرۆژه‌ی ترمان هه‌یه ئیشه‌ڵا دواى نه‌مانى ئه‌م بارودۆخه ده‌ست ده‌كه‌ین به جێبه‌جێكردنى”.
راپۆرته‌كه ئه‌رده‌ڵان محه‌مه‌د بۆ كه‌ناڵى په‌یامى ئاماده‌كردووه