له سێ یارى داهاتووى له خولى نایابى تۆپى پێى یانه‌كانى كوردستان، سیروانى نوێ ته‌نیا خاڵێكى پێویسته تاوه‌كو نازناوى وه‌رزى ئه‌مساڵ بۆ یه‌كه‌مجار له مێژوودا بباته‌وه .
ئه‌مرۆ سێشه‌ممه له یارییه‌كانى خولى نایابى كوردستان ، سیروانى نوێ به‌رامبه‌ر سه‌یدسادق وه‌ستاییه‌وه‌و یانه پڕته‌قاڵیه‌كه به ته‌نیا گۆڵێكى دانا مسته‌فا توانى یارییه‌كه بباته‌وه‌و درێژه به پێشه‌نگى خوله‌كه بدات .
سیروانى نوێ به سود وه‌رگرتن له شكستى ئه‌مرۆى هندرێنى ركابه‌رى ، له سێ یارى داهاتووى خوله‌كه ته‌نیا خاڵێكى پێویسته تاوه‌كو به ره‌سمى ببێته پاڵه‌وانى وه‌رزى ئه‌مساڵ .