لە شاری سلێمانی پاش دوو رۆژ رکابەری، پاڵەوانێتی کراوەی پێشکەوتووانی گۆڕەپان ومەیدانی یانەکانی کوردستان بۆ کچان و کوڕان کۆتایهات و یاریزانانی پێشمەرگەی سلێمانی لەسەر ئاستی تیپ بوونە پاڵەوان.
پاڵەوانێتییەکە بۆ ئاستی کوڕان ١٢ یانە بەشداری کرد، پێشمەرگەی سلێمانی توانی ١٢٠ خاڵ کۆبکاتەوەو پلەی یەکەم دەستەبەر بکات و سیروانی نوێ بە ١١٦ خاڵ پلەی دووەم و خانەقینیش بە ١٠٤ خاڵ سێیەم بوو.
لەسەر ئاستی کچانیش، یاریزانانی پێشمەرگەی سلێمانی ١٤٢ خاڵیان کۆکردەوەو بوونە پاڵەوان، سیروانی نوێش بە ١١٦ خاڵ دووەم و کچانی سەورەش بە ٩٦ خاڵ سێیەم بوو کە لەم ئاستەدا ١٠ یانە بەشدار بوون.
پاڵەوانێتیی گۆڕەپان و مەیدانی کوردستان بۆ ماوەی سێ ساڵ بوو بەڕێوەنەچوو بوو، لە پاڵەوانێتی ئەمساڵ چەندین ژمارەی پێوانەی شکێندران .
سلێمانی- هەرێز جەمال