کوڕانی تیپی تۆپی بالەی یانەى هه‌ولێر ، قۆناغی یەکەمی خولی یانە نایابەکانی عێراق بۆ تۆپی بالەیان بە سەرکەوتوویی و پێشەنگی گرووپی یەکەم کۆتایی پێهێنا.
یانەی هەولێر، لە گرووپی یەکەمی خولەکە شانبەشانی یانەکانی (گازی باشوور، شوڕتە، بەحری، قاسم، سنجار، حەدیسە، مەدینەی شەهیدان) یاری کرد، یارییەکانی ئەم گرووپە لە ماوەی نێوان (٩ – ٢٠٢٢/١٢/١٦) لە پارێزگای بەسڕە بەڕێوەچوو.
کوڕانی هەولێر، سەرەڕای ئەوەی بە پێکهاتەیەکی تەواو لە یاریزانی ناوخۆیی و کوڕی شارەکەمان یارییان کرد جگە لە یەک یاریزانی پیشەگەر نەبێت، بەڵام توانیان ئاستێکی ئێجگار بەرز لە سەرجەم یارییەکان پێشکەش بکەن و کۆی یارییەکان لە بەرژەوەندی خۆیان کۆتایی پێ بێنن، کە ئەنجامەکانیان بەم شێوەیەی خوارەوە بوو:
- هەولێر – حەدیسە (3-0) گێم
- هەولێر – سنجار (3-1) گێم
- هەولێر – قاسم (3-0) گێم
- هەولێر – گازی باشوور (3-1) گێم
- هەولێر – بەحری (3-0) گێم
- هەولێر – شوڕتە (3-2) گێم
- هەولێر – مەدینەی شەهیدان (3-0) گێم
بەم شێوەیە پێشەنگی گرووپی یەکەم لە بەرژەوەندی بالەی یانەکە یەکلابوویەوە بە کۆکردنەوەی (20) خاڵ.
