ئه‌و ئافره‌ته‌ى بۆ یه‌كه‌مجار له مێژووى عێراق و كوردستان بووه راهێنه‌رى یانه‌یه‌كى ده‌ره‌وه
چریسك یونس یوسف، یه‌كێكه له ناوه دیاره‌كانى وه‌رزشى كوردستان و عێراق و ماوه‌ى چه‌ندین ساڵه ناوى له یاریگه‌كانى كوردستان و عێراق له سه‌ره‌تا وه‌ك یاریزان و دواتر راهێنه‌رو پاشان كارگێرى ده‌دره‌وشێته‌وه .
چریسك له ساڵى ١٩٩١ له‌دایكبووه ، هه‌ر له ته‌مه‌نى منداڵیه‌وه تێكه‌ڵى وه‌رزش بووه ، چریسك پاش نمایشى ئاستێكى به‌رز له ساڵى 2007 بانگهێشتى هه‌ڵبژارده‌ى تۆپى پێى عێراق كرا بۆ پاڵه‌وانێتى رۆژئاواى ئاسیا ى فوتساڵ و پاڵه‌وانێتى عه‌ره‌ب و له‌گه‌ڵ شێره‌كانى رافیده‌ین به‌شدارى چه‌ندین پاڵه‌وانێتى ده‌ره‌وه‌ى كردووه .
چریسك یه‌كه‌م یه‌كه‌م راهێنه‌رى ئافره‌ت بووه له مێژووى عێراق و كوردستان راهێنه‌ری یانه‌یه‌كى ده‌ره‌وه بووه ئه‌ویش یانه‌ى به‌تراى ئه‌رده‌نیه له ساڵى ٢٠١٣ كه گرێبه‌ستى له‌گه‌ڵ ئه‌و یانه‌یه كردوو بووه راهێنه‌رى یانه ئه‌رده‌نیه‌كه .
چریسك خاوه‌نى بروانامه‌ى راهێنه‌رى B ئاسیایه‌و ئێستاش سه‌رۆكى یانه‌ى ئافره‌تانى دهۆكه.
به‌شى وه‌رزش -تایبه‌ت
