دكتۆر شاكر ئه‌حمه‌د سمۆ كه به‌رپرسى یه‌كه‌مى باڵاى وه‌رزشى كوردستانه‌و هه‌رچى بریارى وه‌رزشیه ماوه‌ى چه‌ندین ساڵه به ئیمزاى ئه‌و پیاوه ئه‌سمه‌ره ده‌كرێت ، ئه‌و ماوه‌ى زیاتر له هه‌شت ساڵه پۆستى به‌رێوه‌به‌رى وه‌رزشى كوردستانى وه‌رگرتووه‌و به قاسه ره‌شه‌كه‌ى وه‌رزشى كوردستان و مه‌رجه‌عى یه‌كه‌مى وه‌رزش له سنوورى ( پارتى ) داده‌نرێت.
هه‌ر به‌رپرسێكى وه‌رزشى له به‌غداد یاخود ده‌ره‌وه‌ى كوردستان هاتبێت ئه‌م پیاوه له فرۆكه‌خانه‌وه پێشوازى لێكردووه‌و به‌رپرسی یه‌كه‌م بووه له لێدوان یان له‌سه‌ر سه‌رجه‌م دۆخه وه‌رزشیه‌كان و هه‌میشه خۆى به دافعى خێرو باشى وه‌رزشى كوردستان زانیووه .
شاكر ئه‌حمه‌د سمۆ، به‌وه ناسراوه هیچ كاتێك خۆى به نزمتر له كه‌سانى وه‌رزشى دانانێت و هه‌میشه باز به‌سه‌ر بریاره‌كانى لیژنه‌ى ئۆلۆمپى كوردستان و یه‌كێتییه وه‌رزشییه‌كان لێ ده‌دات و په‌یوه‌ندییه‌كى توندى له‌گه‌ڵ به‌رپرسانى وه‌رزشى به‌غداد هه‌یه‌و هه‌میشه له پرسه وه‌رزشیه یه‌كلایكه‌ره‌وه‌كان قسه‌و پاڵپشتیان ده‌كات و هه‌ر كاتێك بزانێت بریاره‌كان له به‌رژه‌وه‌ندى خۆى و دارو ده‌سته‌كه‌یه‌تى بریار ده‌دات .
له پرسى بودجه‌ى یانه‌كان ، كه له لایه‌ن به‌رێوه‌به‌رایه‌تیه‌كه‌ى ده‌رچوو یانه‌كانى پارتى و سنوورى زۆنى زه‌رد زۆرترین سومه‌ندیان هه‌بووه .
زۆر به كه‌مى له یاریگاكه‌كان ده‌بینیرێت و له سه‌دا ٪٩٩ى وه‌رزشكارانى ئێستا نازانن ئه‌م پیاوه كێییه‌و پۆسته‌كه‌ى چییه‌و سودى چیه .
دكتۆر شاكر سمۆ ساڵى ٢٠١٤ له كۆلیجى وه‌رزشى زانكۆى سه‌لاحه‌دین بروانامه‌ى دكتۆراى وه‌رگرت .
سپۆرت میدیا -تایبه‌ت
