ئاماده‌كردنى -باوان حه‌مه ره‌زا
هەر گۆڕانێکی زانیاری لە نێوان تاکەکاندا ڕووبدات پێی دەگوترێ پەیوەندی کردن ، بە مەبەست بێت یاخود نا کە لە ڕێگەی قسە یان ئاماژە یان زمانی جەستەوە ئەم ئاڵوگۆڕکردنی زانیاریە ئەنجام دەدرێت ، کە بوونەتە پرۆسەیەکی زۆر ئاڵۆز هەموو کایەکانی ژیانی گرتۆتەوە .
لەنێوانیاندا زمانی جەستە بۆتە بەشێکی زۆر گەورە پەیوەندی کایە وەرزشیەکاندا بۆ تێگەیشتن لە هەرگۆڕانێکدا ، پەیوەندی نازارەکی ڕۆڵی سەرەکی لە سەرکەتنی وەرزشواناندا دەگێڕێ ، ئەوان دەبێت تێگەیشتنی خێرایان هەبێت بەرامبەر پەیوەندیە نازارەکیەکانی دەوروبەریان بە تایبەت یاریە بە کۆمەڵەکان ، لەڕاستیدا یاریزانان زۆر باشترن لە کەسە ئاساییەکان لە ڕوی تێگەیشتنی زمانە جەستەیەکان ئەمەش نا ئاگایانە ڕودەدات .
بۆیە ( communication non-verbal )
یاخود ( گواستنەوەی نازارەکی ) یان ( پەیوەندی نازارەکی ) بریتیە لە گواستنەوەی زانیاریەکان لەڕێگەی زمانی جەستە لە چۆنیەتی دەربڕینی قسە وتۆن وئاواز و دەنگ و شێوەی گۆڕانی دەم و چاو .
ئەم پەیوەندی و گواستنەوەیە لە گۆڕەپانە وەرزشیەکاندا بەدی دەکرێت .
بۆیە پێویستە ڕاهێنەری وەرزشی بە شێوەیەکی کاریگەر چەمکی ( نازارەکی ) لە نێوان یاریزانەکاندا گرێ بدات و ڕاهێنانی تایبەتیان پێبکات بۆ باشتر تێگەیشتی قسە نا زارەکیەکان کە لە گۆڕەپانە وەرزشیەکاندا بەکار دێت ، لەم ڕێیەوە دەتوانن کاردانەوەو ڕەخنەی بنیاتنەری پێشکەش بکەن بەو ڕێگایانەی کاریگەری لەسەر ئەدای یاریزان هەیە ، بۆیە لە وەرزشی بە کۆمەڵدا هاوتیمەکان دەبێت ئاماژە جەستەیەکان بە باشی بخوێنەوە وەک لە یاری تۆپی پێ و ڕاگبی و باسکە یاریزانان دەبێت بە شێوەیەکی نازارەکی پەیوەندی بە یەکەوە ببەستن لە گۆڕەپانی یاریەکە بەبێ ئەوەی هیچ شتێک بڵێن دەبێت بزانن کەی پاس وەردەگرن یان چی کاتێک یاریزانی بەرامبەر بۆ چەپ یان ڕاست دەجوڵێت و پێشبینی جوڵەکانی داهاتوی بکات .
بۆیە کۆمیونیکەیشن هونەرێکی سەرکەوتوی گواستنەوەی زانیاریەکانە لە سەرانسەری وڵاتاندا و لە سەروی کلتورەکان و هەموو زمانەکان .، زمانی جەستە وەک زمانێکی گشتگیر و جیهانی دەناسرێت و یەکێکە لە گرنگترین فاکتەرەکانی سەرکەوتنی تیمێک ، دەبێتە پێویستیەک بۆ کارلێکی تاکتیکی و سەرکەتن لە پێشبڕکێ وەرزشیەکاندا ، و یارمەتیە بۆ بیرکردنەوە لەوەی کە ( چۆن ) دەتوانرێت هەردوو پەیوەندی زارەکی و نازارەکی و کارلێککردن باشتر بکرێت بۆ ئەوەی تیمەکان لە باشترین توانایاندا کار بکەن .
