بهرام مهرپیما، ناوێكى كوردى گه‌وره له وه‌رزشى ئێران
ناوبژیوانانه له یه‌كێتیی تۆپى پێى ئێران
كه‌م كه‌س هه‌یه له ناو ئێران و ته‌نانه‌ت له زۆربه‌ى وڵاتانى جیهان و تا ده‌گاته باشوورى كوردستان ، ناوى بهرام مهرپیماى نه‌بیستبێت ، ئه‌و ناوه‌ش به‌هۆى لێهاتووى و خزمه‌ته به‌رده‌وامه‌كانى بووه بۆ وه‌رزش .
بهرام مهرپیما، دادوه‌رى نێوده‌ڵه‌تى پێشووى تۆپى پێ و سه‌رپه‌رشتیارى ئێستاى ناوبژیوانانى ئێران یه‌كێكه له ناوه دیاره وه‌رزشیه‌كانى ئێران ، ئه‌و پیاوه كه كه‌م رۆژ هه‌یه له یاریگه‌كانى وڵاته‌كه‌ى نه‌بیندرێت به یه‌كێك له كه‌سایه‌تیه سه‌ركه‌وتووه‌كانى وه‌رزشى ئێران و یه‌كێتیی تۆپى پێى وڵاته‌كه‌ى داده‌نرێت .
بهرام مهرپیما، كه به ره‌گه‌ز كورده له رابردوو خاوه‌نى به‌رێوه‌بردنى ده‌یان یارى گه‌وره بووه ، ئێستاش وه‌ك یه‌كێك له كاراكته‌ره سه‌ره‌كیه‌كان سه‌رپه‌رشتیارى ناوبژیوانانه له یه‌كێتیی تۆپى پێى ئێران .
بهرام مهرپیما، خاوه‌نى ده‌یان چاوپێكه‌وتن و نووسینى وه‌رزشیه‌و خزمه‌ت ده‌كات و كتێبێكى چاپكراویشى هه‌یه بۆ وه‌رزشى شارى سنه‌و مێژوویه‌كه‌ى .
هه‌رێز جه‌مال
