پاڵه‌وانێتى تۆپى باسكه‌ى كچانى رۆژئاواى ئاسیا له شارى سلێمانى بۆ یه‌كه‌مجار له مێژوودا به‌ڕێوه‌ده‌چێت و هه‌ڵبژارده‌ى عیراقیش به پێكهاته‌یه‌كى ته‌واو كوردانه‌وه له ولاتى توركیا له كه‌مپێكى مه‌شق و راهێنانن .
پاڵه‌وانێتییه‌كه بڕیاره له رۆژانى 2-6/ـى مانگى داهاتوو له هۆڵى كۆلیجى وه‌رزشى زانكۆى سلێمانى به به‌شدارى چوار وڵات به‌ڕێوه‌بچێت و یه‌كێتیی تۆپى باسكه‌ى عیراقیش و لیژنه‌ى رێكخه‌رى پاڵه‌وانێتییه‌كه ته‌واوى ئاماده‌كارییه‌كان بۆ به‌ڕێوه‌چوونى ئه‌و پاڵه‌وانێتییه به شێوه‌یه‌كى سه‌ركه‌وتووانه كردووه .
هه‌ڵبژارده‌ى كچانى باسكه‌ى عیراق كه ته‌واوى یاریزانه‌كانى كوردن و راهێنه‌رو یاریده‌ده‌ره‌كه‌شى به‌هه‌مان شێوه له وڵاتى توركیا كه‌مپێكى مه‌شق و راهێنانیان كردۆته‌وه بۆ ئاماده‌كارى زیاترى به‌شداریكردن له‌و پاڵه‌وانێتییه ، بڕیاره له ماوه‌ى به‌ڕێوه‌چوونى كه‌مپه‌كه‌ش چه‌ندین یارى دۆستانه ئه‌نجام بده‌ن و یه‌كێك له یارییه دۆستانه‌كانیان به‌رامبه‌ر كچانى زانكۆى ئه‌سته‌نبوڵ ده‌بێت ،
به پێى لێدوانى رزگار ره‌ئوف راهێنه‌رى هه‌ڵبژارده‌كه، ده‌یانه‌وێت به شێوه‌یه‌كى تۆكمه به‌شدارى له پاڵه‌وانێتییه‌كه بكه‌ن تاوه‌كو بتوانن له خاكى سلێمانییه‌وه نازناوى پالأه‌وانێتییه‌كه به‌رز بكه‌نه‌وه .
سپۆرت میدیا-سلێمانى
