ئه‌ڵمانیا راهێنه‌رى دۆزییه‌وه‌

سپۆرت میدیا – دێسكى جیهانى

ڕۆژنامەی بیڵدى ئه‌ڵمانى بڵاویکردۆته‌وە، جولیان ناگلسمان ڕاهێنەری پێشووی بایرن میونشن پۆستی ڕاهێنەری هەڵبژاردەی ئەڵمانیا دەگرێتە ئەستۆ.

چەند ڕۆژێک لەمەوبەر فیدراسیۆنی ئەڵمانیا هانسی فلیکی لە پۆستی ڕاهێنەری هەڵبژاردەی ئەڵمانیا دوورخستەوە، دوای دۆڕانێکی دۆستانە بەرامبەر ژاپۆن بە چوار گۆڵ بەرامبەر بە گۆڵێک.

لە ڕاپۆرتەکەی بیڵد هاتووه‌ ، یەکێتی تۆپی پێی ئەڵمانیا لەگەڵ جولیان ناگلسمان گەیشتووەتە ڕێککەوتنێکی سەرەتایی بۆ ڕاهێنەرایەتی هەڵبژاردەی ئەڵمانیا تاوەکو پاڵەوانێتی یۆرۆی 2024.