ئەگەر درۆ ناکەن و سوودمەند نین بۆ پۆستهكانتان جێناهێڵن
لە گیرفانی خۆمان یانەکە بەرێوە دەبەین
دهرباز ئهحمهد
لەگەل نزیک بوونەوەی هەڵبژاردنی یانەکان كه بڕیاره مانگی داهاتوو بهڕێوهبچێت، چەندان كهس ههیه کە سەرجەم مەرجەکانی خۆ کاندید کردنیان تێدایە دەیانەوێت بێنە ناو یانەکان و شوێنی ئهو رووخسارانه بگرنهوه كه پۆستهكانیان داگیر كردووه، بەڵام رێگریان لێدەکرێت و ناویان لە دەستی گشتی یانهكان دهردێ
کەسانێکی نێو ئیدارەی یانەکان فێر بونە بەردەوام بلێن لە گیرفانی خۆمان یانەکە بەرێوە دەبەین هیچ داهاتمان نیە
کورت و پوخت.
ئەگەر قسه و پاساوهكانتان راستی تێدابێت فەرموو رێگا به خهڵكی تر بدهن و چیتر رێگری له بهرامبهرهكانتان مهكهن كه دهیانهوێت بێنه پێشهوه، دڵنیام كهسانێك ههن كه دهیانهوێت بێنه پێشهوه بەس بە خێروبەری دەوربەری یاریگای یانهكانی كوردستان زۆر لە ئێوە باشتر یانهكه بەرێوە دەبات و داوای یەک دیناریش لە حکوومەت ناکات
ئاخر له كوێی دونیادا ههبووه تۆ سەرجەم مەرجەکانت تێدابێت كهچی رێگا نەدەن بێیه نێو یانەکە، خهڵك زۆر باش لێتان تێدهگات و ناتانهوێت ئهو وهبهرهێنانه گهورهیهی كه دهیكهن له نێوان 2 تا 3 كهس دابهشی دهكهن و ناتانهوێت كهسی تر ببێته هاوبهشتان.
لهولاشهوه ههندێك یانهی تر ههیه خۆیان وهكو فریشتهی سپی نیشان دهدهن و زۆر بێ شهرمامه باس لهوه دهكهن كه ئهو یانانهی سهر بهدهسهڵاتن ههموو شتێكیان بۆ فهراههم كراوه، كهچی خۆشیان پرن لە گەندەڵی و سهد خۆزگە بە یانەکانی سەر بە دهسهڵات دەخوازی.
هیوادارم بەرپرسانی بەرێوبەرایەتی گشتی وەرزش بەدواداچوون بکەن بۆ ئەم کەسانەی بەبێ هیچ هۆکارێک لە یانەکان رێگریان لێی دەکرێت.
