سه‌رمێزى پێشمه‌رگه گرێبه‌سته‌كانى وه‌رزى نوێى راگه‌یاند
پێشمه‌رگه توانی پله‌ی سێهه‌م به‌ده‌ست بهێنێت
تیپى تۆپى سه‌رمێزى یانه‌ى پێشمه‌رگه‌ى سلێمانى به ره‌سمى گرێبه‌ستى یاریزانه‌كانى بۆ وه‌رزى نوێى خوله‌كانى كوردستان و عێراق راگه‌یاند .
یانه‌كه گرێبه‌ستی هه‌ریه‌ك له یاریزانان ، سه‌یوان جه‌مال و به‌ختیار عه‌بدول باقی بۆ وه‌رزی ئه‌مساڵیش نوێكرده‌وه‌و یاریزانێكى به ره‌گه‌ز عه‌ره‌بیشى خسته ریزه‌كانى ئه‌ویش ( ئه‌میر سامر محه‌مه‌د ) یه كه یاریزانێكی لاوی به‌هێزه له‌سه‌ر ئاستی عێراق ،پێشتر یاریزانی یانه‌كانی ( كازمییه ، غاز جنوب ، برایه‌تی و جه‌یش ) بووه و له نێو پێكهاته‌ی هه‌ڵبژارده‌ی عێراق ناوی تۆماركراوه .
بڕیاره تیپه‌كه مه‌شق و ئاماده‌كارییه‌كانی ده‌ست پێبكات و ئاماده‌كاری بۆ به‌شداری له ڕكابه‌رییه‌كانی خولی نایابی تۆپی سه‌رمێزی یانه‌كانی عێراق ده‌كات كه له وه‌رزی ڕابردوودا پێشمه‌رگه توانی پله‌ی سێهه‌م به‌ده‌ست بهێنێت .
سپۆرت میدیا
