ئەمڕۆ هەینی تیروپشکی قۆناغی کۆمەڵەکانی یۆرۆپالیگ ڕاکێشرا و کۆمەڵەی دووەم وەک کۆمەڵەیەکی بەهێز ناوی دەهێندرێت و لیڤەرپووڵیش ئەرکی ئاسان دەردەکەوێت.
لە مەڕاسیمێکی تایبەتدا یەکێتی تۆپی پێی ئەوروپی تیروپشکی بۆ قۆناغی کۆمەڵەکانی وەرزی 2023 بۆ 2024 ئەنجام دا و بەپێی ڕێنماییەکانیش دوو یانەی یەک وڵاتە نابێت بکەونە یەک کۆمەڵەوە، ئەنجامی تیروپشکەکەش بەم شێوەیە بوو؛
کۆمەڵەی یەکەم: وێستهام یونایتد – ئۆڵۆمپیاکۆس – فرایبۆرگ – باچکا تۆپۆلا.
کۆمەڵەی دووەم: ئەیاکس ئەمستردام – ئۆڵۆمپیک مارسیلیا – برایتۆن – ئەیاک ئەسینا.
کۆمەڵەی سێیەم: گلاسکۆ ڕێنجەرز – ڕیاڵ بێتیس – سپارتا پراگ – ئاریس لیماسۆڵ.
کۆمەڵەی چوارەم: ئەتڵەنتا – سپۆرتینگ لیشبۆن – ستورم گراس – ڕاکۆڤ چێستۆچوا.
کۆمەڵەی پێنجەم: لیڤەرپووڵ – لاسک – یونیون سانت گلۆز – تۆلۆز.
کۆمەڵەی شەشەم: ڤیاڕیاڵ – ڕێن – ماکابی هایفا – پاناسیناکۆس.
کۆمەڵەی حەوتەم: ڕۆما – سلاڤیا پراگ – شێریف تیراسپۆڵ – سێرڤێت.
یارییەکانی جەولەی یەکەمیش لە 21ی ئەم مانگە دەست پێ دەکات.
