یارییەکانی خولی پێچوەشێرانی پارێزگای سلێمانی گەیشتە کۆتایی

بە دوو یاری کێبڕکێکانی خولی پێچوەشێرانی یانەکانی سلێمانی و دەوروبەری گەیشتە فایناڵ ، یانەکانی نەورۆز و هەڵەبجەی شەهیدیش رووبەڕووی یەکبوونەوە.

لە شاری سلێمانی و لە یاریگای زانکۆ، هەردوو یانەی نەورۆز و چوارقوڕنە بەیەک گەیشتن، کاتی یاسایی یارییەکە بە گۆڵێک بۆ هەردوولا کۆتایی هات.

دواتر بە لێدانەکانی یەکلاکەرەوە، یانەی نەورۆز بە ئەنجامی (5-4) گۆڵ، ئەنجامەکە لەبەرژەوەندی خۆی یەکلایی کردەوە و گەیشتە یاری کۆتایی.
لە یاریگای فەرماندەییش، هەردوو یانەی پێشمەرگە و هەڵەبجەی شەهید بەیەک گەیشتن.

یانەی هەڵەبجە، توانی بەسەر یانەی خاوەن یاریگا خۆی بگەیەنێتە یاریی کۆتایی، دوای بردنەوەی بە دوو گۆڵی بێبەرامبەر.

بڕیاریشە لە یاریی کۆتاییدا هەردوو یانەی نەورۆز و هەڵەبجەی شەهید رووبەڕووی یەکببنەوە.

راگەیاندنی یەکێتی تۆپی پێی سلێمانی