یەك شەممە 28-1-2024 بە ئامادەبوونی سەرۆک و جێگری سەرۆک و سکرتێر و ئەندامانی یەکێتی تۆپی پێی کوردستان کۆبوونەوەی ئاسایی خۆی ئەنجامدا و تیایدا ئەم بڕیارو راسپاردانەی خوارەوەی دەرکرد .
1_ سەبارەت بەیاری یانەی چەمچەماڵ و یانەی شۆڕجە لەگەڕی 8ی خولی پلەیەکی کوردستان :
پەسەند کردنی پەڵپی یانەی شۆڕجە لە سەر یانەی چەمچەماڵ بە یاریکردن و بەکارهێنانی یەک ژمارەی درێس بۆ چەند یاریزانێک لە هەمان وەرز کە ئەمەش پێچەوانەی ڕێنماییەکانی یەکێتی تۆپی پێی کوردستانە، بۆیە بڕیاردرا بە هەژمار کردنی ئەنجامی یاری 3 _ 0 لە بەرژەوەندی یانەی شۆڕجە.
2_ بانگهێشتکردنی بەرپرسی راگەیاندنی یانەی وەرزشی برایەتی ( ئومێد ئیبراهیم ) لە ڕۆژی سێ شەممە 30 \ 1 \ 2024 بۆ بارەگای یەکێتی تۆپی پێی کوردستان کاتژمێر 3ـی ئێوارە.
3_ بانگهێشتکردنی سەرۆکی یانەی ئاکرێ و سەرپەرشتیاری تیپی تۆپی پێی یانەی ئاکرێ لە ڕۆژی سێ شەممە 30 \ 1 \ 2024 بۆ بارەگای یەکێتی تۆپی پێی کوردستان کاتژمێر 4ـی ئێوارە.
4_ بانگهێشتکردنی ( سۆران ئەحمەد ) نوێنەری لیژنەی ناوبژیوانانی شاری سلێمانی بە ئامادەبوونی لە کۆبوونەوەی داهاتووی یەکێتی تۆپی پێی کوردستان.
5_ ئەنجامدانی کۆبوونەوە لەگەڵ نوێنەری ئەو فێرگانەی کە سەرکەوتوون بۆ قۆناغی کۆتایی لە بارەگای لیژنەی ئۆلۆمپی /شاری سلێمانی لە ڕۆژی چوارشەممە 31-1-2024 کاتژمێر 11ـی پێش نیوەڕۆ.
6_ سەبارەت بە یاری نێوان یانەی قەڵادزێ و یانەی ڕانیە لە جامی هەرێمی کوردستان:
آ_ بە هۆی ئاژاوەی هاندەرانی یانەی قەڵادزێ بڕیاردرا بە گواستنەوەی یاری نێوان یانەی قەڵادزێ و یانەی کۆیە لە گەڕی دەیەمی خولی پلە یەکی کوردستان بۆ یاریگای یانەی سۆران بەبێ ئامادەبوونی هاندەر.
ب_ ڕاگرتنی یاریزانی یانەی قەڵادزێ سەرکەوت ئازاد ژمارە ( 7 ) تا کۆتایی ئەم وەرزەی خولی پلە یەکی کوردستان .
ج_ پێبژاردنی یانەی قەڵادزێ بەبڕی 1000000 یەک ملیۆن دینار.
د_ ئاگادار کردنەوەی یانەی قەڵادزێ بە کۆنتڕۆڵکردنی جەماوەرەکەی، بە پێچەوانەوە سزاکان توندتر دەبن.
7_ سەبارەت بە یاری نێوان یانەی ئاکرێ و یانەی زاخۆ لە گەڕی شازدەمی خولی نایابی کوردستان :
آ_بە هۆی ئەنجامدانی ڕەفتاری دوور لە گیانی وەرزشی و نانەوەی شەڕو ئاژاوە بڕیاردرا بە ڕاگرتنی کارگوزاری یانەی ئاکرێ ( ئەحمەد تەیموور ) بۆ تاهەتایە لەچالاکیەکانی یەکێتی توپی پێی کوردستان .
ب_ پێبژاردنی یانەی ئاکرێ بەبڕی 1000000 یەک ملیۆن دینار.
ج_ ئاگادارکردنەوەی کۆتایی بۆ یانەی ئاکرێ بە کۆنتڕۆڵکردنی جەماوەرەکەی، بە پێچەوانەوە سزاکان توندتر دەبن و یارییەکانیشیان دەگوازرێتەوە دەرەوەی یاریگای خۆیان.
راگەیاندنی یەکێتی تۆپی پێی کوردستان
