هه‌ر یاریزانێك له‌ كوردستان په‌یوه‌ندیی به‌ مه‌شق و راهێنانه‌كانى هه‌ڵبژارده‌ى عێراقه‌وه‌ بكات سزا ده‌درێت

ئێمە لە یەکێتی تۆپی پێی کوردستان هەمیشە هەماهەنگ و هاوکاری یەکێتی تۆپی پێی عێڕاق و هەموو لایەنێک دەکەین و کردوومانە کە خزمەت بە بواری وەرزش و وەرزشوانانی کوردستان بکات، تایبەت هەر پڕۆژەیەک کە ببێتە هۆکاری سوودمەندبوونی یاریزانەکانمان، بەڵام هەڵبژاردەی فوتساڵی کچانی عێراق دەیەوێ بەبێ ئاگاداری و پرس و گەڕانەوە بۆ یەکێتیەکەمان و بەڕێوەبەرایەتی گشتی وەرزش (کە هەڕەم و مەرجەعی وەرزشی هەرێمی کوردستانە ) ئەم کارە بکات کە پێویست بوو ئاگادارمان بکەنەوە بە مەبەستی یارمەتی و کارئاسانی بۆیان ، بۆیە هەر یاریزانێک بەبێ ئاگاداری یەکێتی تۆپی پێی کوردستان پەیوەندی بەم هەڵبژاردەیە بکات بۆ تاقیکردنەوە خۆی بەرپرسیارە و تووشی سزا دەبێت، ئەو یاریزانانەشی کە پەیوەندیان بەم تاقیکردنەوە کردووە پێویستە ئاگادارمان بکەنەوە .

یەکێتی تۆپی پێی کوردستان