پاش بڵاوبوونه‌وه‌ى راپۆرتێك له‌سه‌ر دۆخى ته‌ندروستى فاتح حه‌مه خانى راهێنه‌رى دیارى كوردستان له سپۆرت میدیاوه راسته‌وخۆ به‌رپرسانى حزبى و حكومى و وه‌رزشكاران دێنه خه‌ت بۆ هاوكارى و چاره‌سه‌رى دۆخى ئه‌و راهێنه‌ره .
له لێدوانێكى تایبه‌ت به سپۆرت میدیا فاتح حه‌مه خان ، وتى ماوه‌ى نۆ مانگه من له ژێر كاریگه‌رى ده‌رزى ده‌ژیم و له‌و ماوه زۆره‌ش كه‌س لێى نه‌پرسیم و هاوكاریش نه‌كرام به‌ڵام پاش ئه‌وه‌ى ئه‌مرۆ بۆ یه‌كه‌مجار له سپۆرت میدیاوه سه‌ى خۆم كرد سوپاس بۆ خوا به چه‌ند كاژتژمێرێك ئه‌مڕ كه‌سانێكى زۆر په‌یوه‌ندیان پێوه‌كردووم و زۆربه‌ی وه‌رزشكارانى شاره‌كانى سلێمانى و هه‌ولێر، هه‌روه‌ها هه‌ریه‌كه له نووسینگه‌ى وه‌رزشى به‌رێز شێخ لاهور شێخ جه‌نگى هاوسه‌رۆكى یه‌كێتیی و نووسینگه‌ى به‌رێز قوباد تاڵه‌بانى جێگرى سه‌رۆكى حكومه‌تى هه‌رێم به‌لێنى هاوكارى و پشتیوانیان بۆ دووپات كردمه‌وه ، هه‌روه‌ها به‌رێز شاڵاو كۆسره‌ت ره‌سول سه‌رۆكى فه‌خرى یانه‌ى برایه‌تى په‌یامى ناردبوو كه ئه‌وه‌ى پێویستم بێت بۆم بكرێت تاوه‌كو پشتیوان به‌خواو هه‌مووان ئه‌م دۆخه تێپه‌ڕێنم .
وتیشى پێویستى من له‌م كاته چوونه ده‌ره‌وه‌ى وڵاته تاوه‌كو پشكنینى ته‌واوه‌تیم بۆ ئه‌نجامبده‌ن و دواتر قۆناغه‌كانى چاره‌سه‌رم دیارى بكرێت .
سپۆرت میدیا
