تیروپشکى مۆندیالى شارەکانى کوردستان ڕاکێشرا

تیروپشکى قۆناغى کۆمەڵەکانى مۆندیالى شارەکانى کوردستان ڕاکێشرا و مۆندیالەکەش کۆتایى ئەم مانگە دەستپێدەکات.

ئەمڕۆ لە شارى سلێمانى بە بەشدارى 32 هەڵبژاردەى شارەکانى کوردستان تیروپشکى مۆندیالى کوردستان بە ئامادەبوونى نوێنەرى هەڵبژاردە بەشداربووەکان و وەرزشکاران و ڕۆژنامەنوسان ڕاکێشرا.

ئەو هەڵبژاردەیەى دەبێتە پاڵەوانى مۆندیالى کوردستان بە 10 هەزار دۆلار و میدالیاى زێڕ خەڵات دەکرێت و هەڵبژاردەی پلەى دووەمیش پێنج هەزار دۆلار و میدالیاى زیو وەردەگرێت، بڕى دوو هەزار و پێنجسەد دۆلاریش دەبەخشرێتە هەڵبژاردەى پلەى سێیەم.

سەرجەم یارییەکانى مۆندیالى کوردستان له‌ رێگه‌ى سۆشیال میدیاو په‌خشى ته‌له‌ڤزیۆنى nrt sport دەگوازرێنەوە و یارى کۆتاییش بە 12 کامێراى تایبەت و بە بوونى ڤار لە یاریگادا پەخشدەکرێت.

فۆتۆ: کارزان ڕەشید