ئێوارەی ئەمڕۆ هەینی 16 ی 9 ی 2022، بەچاودێری لێژنەی ئۆلۆمپی هەرێمی کوردستان،بەسەرپەرشتی یەکێتی ناوەندی مەلەوانی کوردستان، لە هۆڵی داخراوی کۆلێژی پەروەردەی وەرزشی زانکۆی سەلاحەددین لەشاری هەولێر کۆتایی بەپاڵەوانێیەتی پارێزگاکانی هەرێمی کوردستان هات.
لەپاڵەوانێتییەکەدا کە پارێزگاکانی هەرێمی کوردستان لەسەر ئاستی پێشکەوتووان و لاوان بەشداربوون، هەڵبژاردەی پارێزگای هەولێر توانی لەسەر هەردوو ئاستی پێشکەوتووان و لاوان پلەی یەکەم بەدەست بهێنێت.
ئەنجام لەسەر هەردوو ئاست لەپاڵەوانێتییەکەدا بەم شێوەیە بوو:
لەسەر ئاستی پێشکەوتووان:
1- هەلبژاردەی پارێزگای هەولێر پلەی یەکەم.
2ـ هەڵبژاردەی پارێزگای کەرکوک پلەی دووەم.
3ـ هەڵبژاردەی پارێزگای سلێمانی پلەی سێیەم.
لەسەر ئاستی لاوان:
١ـ هەڵبژاردەی پارێزگای هەولێر پلەی یەکەم.
2ـ هەڵبژاردەی پارێزگای سلێمانی پلەی دووەم.
3ـ هەڵبژارەی پارێزگای کەرکوک پلەی سێیەم.
هەر لەپاڵەوانێتییکەدا محەمەد یاسین لەهەڵبژاردەی پارێزگای هەولێر بە باشترین یاریزانی پاڵەوانێتییەکە هەڵبژێردرا.
بەرێوەچوونی کارو چالاکی یەکێتییە وەرزشییەکان لەژێر چاودێری لێژنەی ئۆلۆمپی هەرێمی کوردستان بەردەوامی هەیە، کابینەی نۆیەمی حکومەتی هەرێمی کوردستانیش مانگانە بڕی 80 ملیۆن دینار بۆ لێژنەی ئۆلۆمپی خەرج دەکات بەمەبەستی بەرێوەچوونی کۆی چالاکییە وەرزشییەکانی یەکێتییە وەرزشییەکان لەسەر ئاستی هەرێمی کوردستان.
راگەیاندنی لێژنەی ئۆلۆمپی هەرێمی کوردستان
16 ی 9 ی 2022
