پاڵه‌وانێكى له‌شجوانى شارى سلێمانى چه‌ند ئامۆژگارییه‌ك بۆ ئاره‌زوومه‌ندانى یاریيه‌كه ده‌خاته‌ڕوو
بەهۆی وه‌ستانى سه‌رجه‌م چالاكییه وه‌رزشییه‌كان له هه‌رێمى كوردستان، کاریگەری تەواوی لەسەر وەرزشکار درووستکردووە، یاریزانانی لەشجوانی و لەشڕێکیش بەهۆی داخرانی هۆڵەکانی راهێنان، کاریگەری لەسەر جەستەیان بەجێهێشتووە.
پاڵه‌وانی له‌شجوانى جیهان نه‌جمه‌دین عه‌بدوڵڵا بۆچوونى جیاوازى له‌سه‌ر یاریه‌كه هه‌یه و رایده‌گه‌یه‌نێت ” هه‌موو ئه‌و راهێنەرانەى باس له مه‌شق ده‌كه‌ن لە ماڵەوە، هیچ كاریگه‌رییه‌كى نیه له‌سه‌ر ئه‌و كه‌سه‌ى راهێنان ده‌کات”.
نه‌جمه‌دین عه‌بدوڵڵا-ى راهێنه‌ر و پاڵه‌وانى له‌شجواى جیهان ئه‌وه‌ى خسته‌ڕوو:” ئه‌وه‌ى ده‌یبستن و گوێتان لێى بووه له‌سه‌ر وه‌رزشکردن له ماڵه‌وه هیچ راست نیه، چونكه من ماوه‌ى 25 ساڵه خه‌ریكى ئه‌م وه‌رزشه‌م، به‌ڵام به مانه‌وه‌م له‌م كاته‌دا له ماڵه‌وه به ته‌واوى رێكى له‌شم تێكچووه، هه‌رچه‌نده چه‌ندین ڤیدیۆى مه‌شق و به‌رنامه‌ى راسته‌وخۆم كردووه بۆ مه‌شقه‌كان، به‌ڵام هیچ سوودی نیه له ماڵه‌وه وه‌رزش بكه‌یت”.
وتیشی:” ئه‌وه‌ى پیشانى خه‌ڵك ده‌درێت وه‌رزشكردن له ماڵه‌وه زۆر زۆر جیاوازى هه‌یه له‌گه‌ڵ یارى له‌شجوانى، له‌به‌رئه‌وه‌ى یاریزانى له‌شجوانى چه‌ندین ساڵ خه‌ریك ده‌بێت خۆى زه‌عیف بكاته‌وه، به‌ڵام له‌م ماوه‌یه‌دا به خواردنى به‌رده‌وام قه‌ڵه‌و دەبێتەوە، ئه‌و جۆره وه‌رزشكردنه له ماڵه‌وه بۆ ئەو كه‌سانه باشە كه یارى له‌شجوانى و له‌شڕێكى ته‌نها بۆ حه‌زوو ئاره‌زووى خۆى كردبێت، نه‌ك بۆ به‌شدارییكردن له پاڵه‌وانێتییه‌كان”.
ئه‌و پاڵه‌وانه‌ى جیهان چه‌ند رێنماییه‌ك بۆ ئاره‌زوومه‌ندانى یاریه‌كه ده‌خاته روو كه له‌م كاته‌دا سێ شت پێویسته هه‌موو كه‌سێك بیكات به‌مشێوه‌یه…
1- جووڵه به هه‌ر شێوه‌یه‌ك بێت ئه‌و كه‌سه‌ى ده‌یه‌وێت وه‌رزش بكات به‌هه‌ر رێگایه‌ك بێت بجووڵێت له 40 بۆ 45 خوله‌ك.
2- ئه‌و كه‌سانه‌ى پێشتر زه‌عیف بوون و ئێستا ده‌یانه‌وێت قه‌ڵه‌و نه‌بنه‌وه ده‌بێت له دوو ژه‌م زیاتر نان نه‌خۆن کاتژمێر (7 و 8)ی به‌یانى و ئێواره، به‌ڵام ده‌بێت له ماوه‌ى ئه‌و دوو ژه‌م نان خواردنه‌دا ئاو زۆر بخۆنه‌وه، ئه‌و كه‌سانه‌ى ده‌یانه‌وێت ماسوولكه‌یان گه‌وره بكه‌ن، ئێستا له ترسی ئه‌وه‌دان زه‌عیف بن ، ده‌بێت چوار ژه‌م نان بخۆن، به مه‌رجێك كاربۆهیدرات و پڕۆتین بخۆن به‌بێ شه‌كر و رۆن.
3 – ئەو خواردنانەی لە گه‌نم درووست دەکرێت وه‌ك نان و سه‌موون كه‌م بکەنەوە .
یەک داواکاری تری مامۆستا ئەوەیە یاریەکانی منداڵی وەک پەت پەتێن و خەت خەتێن و ھتد…. بگەڕێتەوە و گرنگی پێبدرێت چونکە منداڵی جاران قەڵەو نەبوون .
بەسوپاسەوە وەرگیراوە
