خورماڵ و پێشمه‌رگه‌ى سلێمانى پێشه‌نگ بوون

یه‌كێتی‌ كاراتێی‌ عێراق به‌ هاوكاری‌ یه‌كێتی‌ كاراتێی‌ سلێمانی‌ پاڵه‌وانێتی‌ كاراتێی‌ یانه‌كانی‌ عێراقی‌ بۆ كۆمه‌ڵه‌ی‌ باكور و كوردستان ئه‌نجام دا .

ئه‌م پاڵه‌وانێتییه‌ بۆ دیاری‌ كردنی‌ هه‌ڵبژارده‌ی‌ عێراقه‌ له‌سه‌ر ئاسته‌كانی‌ كوڕان و كچان بۆ یارییه‌كانی‌ كاتا و كۆمیته‌ ، كچانی‌ پێشمه‌رگه‌ له‌ تیمی‌ كۆمیته‌ و كاتا توانیان به‌ جیاوازی‌ 22 خاڵ و به‌ 46 خاڵ به‌رامبه‌ر به‌ 24 خاڵ له‌گه‌ڵ تیمی‌ دووه‌م پله‌ی‌ یه‌كه‌م به‌ده‌ست بهێنن .

كچانی‌ چه‌مچه‌ماڵیش دووه‌م بوون و كچانی‌ هه‌ڵه‌بجه‌ش به‌ 18 خاڵ پله‌ی‌ سێهه‌می‌ پاڵه‌وانێتییه‌كه‌یان به‌ده‌ست هێنا .

له‌سه‌ر ئاستى كوڕانیش ، خورماڵ 42 خاڵ یان به‌ده‌ست هێنا و یه‌كه‌م بوون و دهۆك به‌ 40 خاڵ پله‌ی‌ دووه‌می‌ برده‌وه‌وه‌ و پێشمه‌رگه‌كان به‌ 28 خاڵ سێهه‌م بوون .

سپۆرت میدیا