هه‌ردى حه‌سه‌ن
له ئێستادا کە لە نێو بانگەشەی هەڵبژاردنێکی سیاسیاین هەر حزبەو لە ڕێگەی بەرپرسە حزبیەکان و بەرپرسه حکومیەکانی خۆیانەوە کە لەسەر پشکی ئەو حزبانە پلە و پۆستیان وەرگرتوە سەرقاڵی بانگەشەو دەنگ کۆکردنەوەن بۆ حزبەکانیان ئەم بەرپرسە حزبی و حکومیان لە ڕابردوودا بە هۆی پلە و پۆستە حزبی و حکومیەکانیانەوە تا ڕادەیەک ئیشیان بۆ هەندێ کەس کردوە کە ئیسە هیچ نەبێ لە ڕوویان بێ بڕون داوا لەو کەسانە بکەن کە دەنگ بۆ حزبەکانیان بدەن.
قسە کردنی من لەسەر بوار و بەرپرسە سیاسیەکان نیە لەسەر بوارە وەرزشیەکەیە ئێ ئاشکرایە ئەوانەی پۆست و پلەی وەرزشیان هەیە حزبەکان دایناون بۆیە ئیسە کاتی ئەوەیە حزبەکان داوا لەو بەرپرسە وەرزشیانە بکەن کە حزبەکان دایناون و پۆست و پلەی وەرزشیان هەیە لە حکومەت لە یەکێتیە وەرزشیەکان لە لیژنەی ئۆلۆمپی پێیان بڵێن فەرموون ئێوە هەریەکەتان بیست بۆ سی ساڵە لەو پۆستە وەرزشیانەن بڕۆن دەنگمان بۆ کۆ بکەنەوە لە نێو وەرزشکاراندا بڕۆن قەناعەت بە وەرزشکاران بکەن کە دەنگ بۆ حزبەکانمان بدات لە پای ئەو کارو چالاکیە وەرزشیانەی ئێوە لە ڕابردوودا بۆ وەرزش و وەرزشکارانتان کردوە!
جا ئەوە من زۆر دڵنیام لە زاخۆوە تا خانەقین هەرچی بەرپرسی وەرزشی هەیە ناتوانێ قەناعەت بە پێنج وەرزشکار بکات کە لەبەر خاتر کاکی بەرپرسی وەرزشی دەنگ بە حزبە دڵخوازەکەی ئەو بدات نەک ناتوانێ پێنج دەنگ لە نێو وەرزشکاراندا بۆ حزبەکەی کۆ بکاتەوە، بەڵکو هەر ڕوشیان نایە بچنە نێو خەڵک داوای دەنگ بکەن ئێ ئاشکرایە ئەمانە لە ڕابردوودا لە پێگەی خۆیان جگە لە پاراستنی بەرژەوەندیەکانی خۆیان و کۆمەڵێ دەسکەوتی باش بۆ خۆیانو ئۆتۆمبێلی ئاخر مۆدێل و خانو ڤێلای گران بەهاو ئیفادی باشو سەفەری دەرەوەی وڵات نەبێ هیچیان بۆ وەرزش و وەرزشکار نەکردوە تا ئیسە بتوانن و ڕوویان بێ بڕۆن داوا لە وەرزشکار بکەن دەنگ بە حزبە دڵخوازەکەی ئەو بدات!
#نوقگە
زۆر جار ئەوەم وتوە خوا بکا ڕۆژێ بەشێک لەو بەرپرسە وەرزشیان بۆ پەرلەمانی عێراق بێ یان پەرلەمانی کوردستان خۆیان کان دید بکەن جا ئەوکات سەنگو قورسای خۆیان بۆ دەرئەکەوێ!
