له شارى سلێمانى له كۆنگره‌یه‌كى رۆژنامه‌نووسى ، به ره‌سمى كه‌مه‌ربه‌ندى هۆكار حه‌كیم یاریزانى مواتاى كرا كه له پاڵه‌وانێتى بژارده‌ى مواتاى نێوده‌وڵه‌تى له شارى سلێمانى نازناوه‌كه‌ى برده‌وه .
مه‌راسیمه‌كه له هۆڵى كۆنگره‌كانى نوێنه‌رایه‌تى لیژنه‌ى ئۆلۆمپی له سلێمانى به ئاماده‌بوونى به‌رپرسانى وه‌رزشى و میدیاكان به‌رێوه‌چوو، تێدا پاش سێ مانگ له ده‌سته‌به‌ركردنى نازناوى پاڵه‌وانێتى پیشه‌گه‌ران و دواى ئه‌نجامدانى رێككاره‌كانى وه‌رگرتنى كه‌مه‌ربه‌ندى ( پشتێن)ى پاڵه‌وانێتییه‌كه له لایه‌ن یه‌كێتیی مواتاى جیهان له وڵاتى تایلانده‌وه پشتێنه‌كه گه‌یشته‌وه شارى سلێمانى و له كه‌مه‌رى ئه‌و پاڵه‌وانه كرا .
هۆكار حه‌كیم له دایكبووى ساڵى ١٩٩٩وه ماوه‌ى چه‌ندین ساڵه یاریزانى یارى مواتاییه‌و له گه‌ڵ یانه‌ى ئاشتى خاوه‌نى چه‌ندین ده‌ستكه‌وته‌و له ساڵى رابردووش به به‌شدارى ١٣ وڵات له شارى سلێمانى وه‌ك نوێنه‌رو یاریزانى هه‌ڵبژارده‌ى عێراق به‌شدارى پاڵه‌وانێتى بژارده‌ى نێوده‌وڵه‌تى له سلێمانى كردو له كێشى خۆى له یارییه‌كى پرۆفیشناڵ توانى سه‌ركه‌وتن ده‌سته‌به‌ر بكات .
