له وه‌رزى نوێى كاركردنى دامه‌زراوه‌ى سپۆرت میدیا بۆ بڵاوكراوه‌ى وه‌رزشى ، به‌رهه‌مه‌كانى له وێب سایت و پلاتفۆرمه جیاوازه‌كانى به زمانه‌كانى عه‌ره‌بى و ئینگلیزى ده‌كه‌وێته كار .
ئه‌و هه‌وڵه‌ى سپۆرت میدیا ، بۆ یه‌كه‌مجاره له مێژووى میدیاى كوردستان كه ڤێرژنى كوردى و عه‌ره‌بى و ئینگلیزى له دامه‌زراوه‌یه‌كى میدیاى سه‌ربه‌خۆى وه‌رزشى ده‌كه‌وێته كار .
ئامانجى دامه‌زراوه‌ى سپۆرت میدیا بۆ هه‌نگاو نانه به‌ره‌و ناساندنى زیاترى وه‌رزشى كوردستان و عێراق به زمانه بیانیه‌كان ده‌رخستنى توانى زیاترى پاڵه‌وان و یانه‌و چالاكیه هه‌رێمییه‌كانه، هاوكات په‌یوه‌ست بوونى دامه‌زراوه‌كه‌ش به چه‌ندین ده‌زگاو دامه‌زراوه‌ى بیانى كه له ئاینده‌یه‌كى نزیك هاوبه‌شه‌كانى بڵاوده‌كاته‌وه.
دامه‌زراوه‌ى سپۆرت میدیا بۆ بڵاوكراوه‌ى وه‌رزشى ، ته‌نیا میدیاى وه‌رزشى سه‌ربه‌خۆیه كه بایه‌خ به به‌رهه‌م و بڵاوكراوه‌ى وه‌رزشى ناوخۆو عێراق ده‌دات و له پلاتفۆرمه جیاوازه‌كانه‌وه به‌رهه‌مه‌كانى بڵاوده‌كاته‌وه‌و وێب سایته‌كه‌شى له ژێر ناوى www.sportmedia.krd بۆ ساڵى دووه‌مه به‌رده‌وامه .
