ئەمڕۆ دووشەممە، یەکێتی تۆپی پێی ئاسیا ڕایگەیاند، قەتەر لە بری چین کە چەند مانگێک لەمەوبەر ، داوای لێبوردنی کردبوو شه‌ره‌فى میوانداریکردنی جامی ئاسیای ٢٠٢٣ توانی بباتەوە.
له وڵاتى مالیزیا ، شێخ سەلمان بن ئیبراهیم خەلیفە، سەرۆکی کۆنفیدڕاسیۆنی ئاسیا، بڕوانامەی میوانداریکردنی جامی ئاسیا لەلایەن قەتەرەوە، رادەستی سەرۆکی فیدراسیۆنی قەتەر، شێخ حەمەد بن خەلیفە بن ئەحمەد ئال سانی کرد.
فیدراسیۆنی قەتەر لە ڕێگەی هەژماری فەرمی خۆیەوە لە تویتەر نووسیویەتی “جارێکی دیکە پاڵەوانێتییەکە لە باوەش دەگرینەوە، بەخێر بێیت بۆ ئاسیا لە قەتەر”.
قەتەر کە مانگی داهاتوو مۆندیالی 2022 ڕێکدەخات، پێشتر میوانداری جامی ئاسیای کردووە لە ساڵی 1988، کە سعودیە لەسەر حیسابی کۆریای باشوور بە لێدانی سزا نازناوەکەی بەدەستهێنا، ساڵی 2011 ده‌وحه ئه‌و رێكخستنى ئه‌و جامه‌ى له ئامێز گرت كاتێك ژاپۆن بووه پاڵه‌وان .
پێشتر وڵاتى چین داوای لێبوردنی کردبوو بۆ ڕێک نه‌خستنى یارییه‌كانى جامه‌كه ، بەهۆی سیاسەتی خۆی بۆ سنووردارکردنی بڵاوبوونەوەی پەتای Covid-19، بۆیە قەتەر و کۆریای باشوور و ئەندەنوسیا خواستی خۆیان دەربڕی بۆ میوانداریکردن.
قەتەر خاوه‌نى نازناوی ساڵى 2019یه ، لە پاڵەوانێتییەکەدا کە چوار ساڵ جارێک بەڕێوەدەچێت، لە کاتێکدا ژاپۆن خاوەنی ژمارەی پێوانەیی بردنەوەی جامی ئاسیایە (4)، له بەرامبەر سعودیە و ئێران (3) نازناویان هه‌یه .
سپۆرت میدیا
