یه‌كێتیی رێزى له‌ سه‌رهه‌نگ موحسین گرت

رۆژى یەکشەممە 6-8-2023 هەڤاڵ( ڕێباز شەهید شیرۆ) لێپرسراوی بەشی وەرزشی مەڵبەند 3 هەولێر بە هاوڕێیەتی لەگەڵ هەریەک لە هەڤاڵان (بەژدار ملا سلیمان) لێپرسراوی کۆمیتەی 6 و مامۆستا (سەردار یاسین) سەردانی کاپتن (سەرهەنگ موحسین ) یان کرد بەبۆنەی سەرکەوتنی یانەی ئەمانەی بەغداد بۆ خولی نایابی عێراق.

هەر لەو سەردانەدا هەڤاڵان دەستخۆشی و پشتیوانی حزبی شەهیدان و مەڵبەندیان بۆ کاپتن دووپاتکردەوە، رایانگەیاند جێگەی شانازییە کوڕە کوردی شاری هەولێر و کوردستان ئەو ئاستە بەرزەی پێشکەش کردووە بۆ سەرخستنی یانەکەی کە ئەمانەی بەغداد بۆ خولی پلە نایابی عێراق.

ئەوەی شایانی باسە یاریزان و گۆلچی بەناوبانگی کوردستان لەخولی یانە پاڵەوانەکانی کوردستان و عێراق رۆلی گەورەی گێڕاوە و لە چەندین جار بانگێشتی هەلبژاردەی عیراق کراوە.

لەکۆتایدا یاریزان و کۆڵچی ناوبرا سوپاس و دەسخۆشی لەبەشی وەرزشی مەڵبەندی ٣ـی هەولێر کرد و رایگەیاند هەمیشە پاڵپشتی وەرزش و وەرزشکارانی کوردستان و هەولێر بووە.

ڕاگەیاندی بەشی وەرزشی مەڵبەندی سێ