خولی نایابی ئینگلیزی دەست پێدەکات 

سپۆرت میدیا – بریار ته‌ها

سبەی هەینی بە یاریی خولی نایابی ئینگلیزی ناسراو بە پرێمەرلیگ بە یاری نێوان مانچستەر سیتی پاڵەوانی پار و بێرنلی پاڵەوانی چامپیۆنشیپ دەست پێدەکات.

وەرزی ئەمساڵ 20 یانە بەشداری لە خولەکەدا دەکەن، چوار یانە بۆ چامپیۆنسلیگ سەردەکەوێت و سێ یانەش دادەزێت، هەر سێ یانەی بێرنلی و شیفێڵد یونایتد و لوتۆن تاون لە خولی پلەیەکەوە بۆ خولی نایاب سەرکەوتوون.

وەرزی ڕابردووش هەرسێ یانەی لێستەر سیتی و لیدز یونایتد وساوسهامپتۆن لە پرێمەرلیگەوە و بۆ چامپیۆنشیپ دابەزیون.

ئالان شیرەر بە 260 گۆڵ، گۆڵکاری مێژووی خولی نایابی ئینگلیزییە، دوای ئەو هاری کەینەوە بە 213 گۆڵ، پاشان واین ڕۆنی بە 208 گۆڵ.

خاوەنی زۆرترین نازناو
یەکەم – مان یونایتد 20 نازناو
دووەم- لیڤەرپووڵ 19 نازناو
سێیەم – ئارسیناڵ 13 نازناو
چوارەم هەردوو (مان سیتی و ئیڤەرتۆن) 9 نازناو.

وا بڕیارە 19ی مانگی 5ی ساڵی ئایندە کۆتا هەفتەی ئەم وەرزەی پرێمەرلیگ ئەنجام بدرێت.