له دێر زه‌مانه‌وه قه‌زاى كه‌لار، به كارگه‌ى پێگه‌یاندنى یاریزانان ناسراوه له‌سه‌رجه‌م یارییه‌كان به جۆرێك ساڵانه له زۆرى خوله‌كانى كوردستان یانه‌یه‌ك نه‌بووه یاریزانێكى ئه‌و شاره‌ى تێدا نه‌بووبێت .
له‌م دوایانه‌ش ئه‌كادیمیا وه‌رزشیه‌كان به تایبه‌ت تۆپى پێ چه‌ندین فێرخوازى تێدا هه‌ڵكه‌وتووه كه چاوه‌ڕێى داهاتوویه‌كى به‌رزیان لێ ده‌كرێت .
ئه‌كادیمیاى تۆپى پێى كه‌لار ، كه زۆرترین فێرخوازى قه‌زاكه‌ى كۆكردۆته‌وه‌و زیاتر له 100 به‌شداربووى هه‌یه ، چه‌ندین به‌هره‌مه‌ندى تێدا هه‌ڵكه‌وتووه .
ئه‌وه‌ى جێگه‌ى سه‌رنجه دوو برا له‌م ئه‌كادیمیایه یارى ده‌كه‌ن ، به ناوه‌كانى عیساو موسا .
ئه‌و دوو فێرخوازه ئاستێكى به‌رز پێشكه‌ش ده‌كه‌ن ، موسا هێرشبه‌رێكى ترسناكه به جۆرێكگوڵکاری قوتابخانەکانی کەلار بووه‌و هه‌روه‌ها به گۆڵكارو باشترین یاریزانى ئه‌كادیمیاكان ده‌ستنیشانكرا .
عیساى براشى به مایسترۆكه‌ى هێڵى ناوه‌راست ناسراوه‌و به جۆرێك له یاریگه نمایش ده‌كات وه‌ك یاریزانێكى گه‌وره هه‌بێت له یاریگه به‌و شێوه‌یه ده‌بینرێت .
سپۆرت میدیا -كه‌لار
