دامەزراوەی سپۆرت میدیا ، هیوای زوو چاکبوونەوە بۆ هاوسەرۆکی یەکێتیی نیشتیمانی کوردستان و سەرۆکی یانەی نەورۆز و پاڵپشت و پشتیوانی وەرزش و وەرزشکاران لە زاخۆ تاوەکو خانەقین ، لاهور شێخ جەنگی دەخوازێت کە تووشی ڤایرۆسی کۆرۆنا بووە.
ئه‌مڕۆ سێشه‌ممه لاهور شێخ جه‌نگی هاوسه‌رۆكی یه‌كێتیی نیشتمانیی كوردستان له په‌یامێكی ڤیدیۆییدا رایگه‌یاند كه “به‌نده‌ش وه‌ك هه‌ر هاوڵاتییه‌كی ئاسایی ئه‌م وڵاته موعه‌ره‌زین بۆ ئه‌وه‌ی تووشی هه‌موو جۆره نه‌خۆشی و په‌تایه‌ك ببین، بۆیه له زاری خۆمه‌وه رایده‌گه‌یه‌نم كه تووشی په‌تای كۆرۆنا بووم، به‌ڵام خۆشبه‌ختانه ته‌ندروستیم زۆرباشه”.
لاهور شێخ جه‌نگی له په‌یامه‌كه‌یدا ده‌ڵێت: “خۆم به‌خۆشحاڵ ده‌زانم توشی ئه‌و په‌تایه بووم بۆئه‌وه‌ی باشتر هه‌ست به‌ئێش و ئازاری ئه‌و هاونیشتمانیانه بكه‌م كه له ماوه‌كانی رابردوو و ئێستا له شارو شارۆچكه‌كانی كوردستان توشی ئه‌و په‌تایه بوون”.
دامه‌زراوه‌ى سپۆرت میدیا
سلێمانى
١١-٨-٢٠٢٠
