هه‌رێز جه‌مال
هه‌موو كۆتایى هاوینێك به‌ره‌و ده‌ستپێكى وه‌رزى پایز، ئیدى خوێندكارى داماو كه ٩ ساڵ ناوه‌ندى ته‌واو ده‌كات و یان ١٢ ساڵ به شه‌ره شه‌ق و گه‌رما و سه‌رما قۆناغێكى خوێندن ته‌واو ده‌كات ئیدى ئه‌گه‌ر بزانرێت كه‌شه‌كه‌ى بۆ خوێندنى تر ناگونجێت ده‌ڵێن كوڕه ده برۆ به‌شى وه‌رزشێك ته‌واوى كه‌و فشه‌یه یان برۆ مه‌عهه‌دێكى كۆمپیوته‌ر یان هونه‌ره جوانه‌كان چونكه ئه‌مه سه‌رئێشه‌ى نییه‌و هه‌رچۆن بێت ته‌واوى ده‌كه‌یت .
به‌نده به‌هۆى شاره‌زایم له بوارى وه‌رزش و وه‌رگرتن له به‌شه‌كانى ئه‌و بواره له زانكۆو په‌یمانگاكان وردم و چه‌ندین ساڵه هه‌مووان قه‌وان لێ ده‌درێته‌وه بۆ وه‌رگرتنى خوێندكار، هه‌رگیز بیرم ناچێت كاتێك مامۆستا عومه‌ر فه‌یسه‌ڵى پاڵه‌وانى له‌شجوانى ویستى له به‌شى وه‌رزش وه‌ربگیرێت به‌ڵام به‌هۆى ئه‌وه‌ى نمره‌و هه‌روه‌ها به‌شه‌كه‌ى هاوپه‌یوه‌ستى كۆلیج نه‌بوو وه‌رنه‌گیرا له كاتێكدا ئه‌و یاریزانه چه‌ند رۆژێك به‌ر له‌وه‌ى ویستى بچێت وه‌ربگیرێت له پاڵه‌وانێتییه‌كى جیهانى له وڵاتى ئیتاڵیا گه‌ڕابووه‌وه .
نموونه‌ى مامۆستا عومه‌رو هاوشێوه‌كانى ئه‌و پاڵه‌وانه ساڵانه زۆره ئه‌گه‌رچى چه‌ندین كورسیش بۆ پاڵه‌وانان دیاریكراوه به‌ڵام كۆت و به‌ندى ئه‌مه‌نده سه‌یرو سه‌مه‌ره‌ى تێدایه دواجار هه‌ر خه‌ونى پاڵه‌وانه‌كان ده‌پوكێته‌وه ، ئه‌وه بێزه‌حمه‌ت ئه‌مساڵ خۆ هیچ پاڵه‌وانێتییه‌ك نه‌كرابوو پاڵه‌وان به چى سیستمێك و پێوه‌رێك وه‌رده‌گیرێت ؟
نه‌نگى نییه بگوترێت ئه‌و كۆلیژو و په‌یمانگایانه خاوه‌نى ده‌یان كادرى به‌تواناو پسپۆڕو دكتۆرى باشن كه كارى ئه‌مان بونیادنانى وه‌رزشكارێكى ئه‌كادیمییه ، به‌ڵام به‌راستى كاره‌سات و عه‌یبه‌یه‌كى زۆره كه ساڵى ٢٠٢٠ و ئێسته‌ش تاقیكارى به سیسمتى ساڵانى ٧٠ كان ده‌كرێت ، باشه یانى چى راكه راكه ، ئاده‌ى شوتێ ، ئاده‌ى جه‌مپێ ، ئه‌مه بێزه‌حمه‌ت چى پێوه‌رێكى وه‌رزشییه ؟ باوه‌ربكه‌ن فێرخواز هاتووه به پانتۆڵه‌وه رایكردووه ، هه‌یه وتوێتى من هه‌ر خۆم ناگۆرم كه‌چى چۆته تاقیكارى، توخوا عه‌یب نییه ئه‌و سیستمه سه‌قه‌ته .
باشه به‌حساب خۆ زانكۆو په‌یمانگاكان هه‌میشه ده‌كه‌ونه سنگ ده‌رپه‌ڕاندن وه‌ڵا رانكمان یه‌كه‌مى عێراقه تو دینیتان ئاگات له سیستمى به‌شه‌كانى وه‌رزشه ؟ یانى زانكۆو به‌شى په‌یمانگاكان له وه‌زاره‌تى په‌روه‌رده پاره‌ى یه‌ك كه‌سیان نییه ساڵانه كه‌سێك بنێرنه ده‌ر بۆ بینینى خولێك بزانێت نوێترین سیستمى وه‌رگرتن چییه له كۆلیژه‌كانى جیهان ؟ وه‌ڵاى ئه‌مه‌ى له كوردستان هه‌یه له سۆماڵ و سودانیش باوى نه‌ماوه .
یانى چى هه‌شتى به‌یانى ٣٠٠ فێرخواز ده‌خه‌یته به‌رگه‌رماى یاریگه‌یه‌ك به بێ ئه‌وه‌ى هیچ فریاگوزراییه‌كى سه‌ره‌تایى و ئۆتۆمبێلى فریاكه‌وتنى تێدا بێت؟ وه‌ڵاى هه‌ر یاریزانێك له‌و ساتانه تووشى كاره‌ساتێك ببێته‌وه پێویسته خانه‌واده‌كه‌ى له تاك به تاكى زانكۆو په‌یمانگاو به‌شه‌كان خۆش نه‌بێت .
كوڕه به بیلا وه‌ته‌ڵا عه‌یبه ئه‌و پرۆسه ناشرینه ، تازه ئه‌مساڵ له‌ده‌ست ده‌رچوو ساڵێكى تر به‌خۆتانا وه‌رنه‌وه‌و له گێژاوى ئاده‌ى شوت باوكه راكه وه‌ره ده‌ى ئافه‌رم ئاى دوو شناو رزگارمان بكه‌ن .
