حه‌مزه عه‌باس : پاش كۆتایهاتنى خوله‌كان كرێكارى ده‌كه‌م
سەرەتای یاریکردنم لە تیپی میللی پێشمەرگەی ناحیەی وارماوە
یاریزانێكى دیارى كوردستان ، له ناحیه‌ى وارماوه له پاش كۆتایهاتنى یارییه‌كانى خولى كوردستان ، كارى كرێكارى ده‌كات .
حه‌مزه عه‌باس ، كه یاریزانى تیپى تۆپى پێى یانه‌ى سیروانى نوێیه له خولى نایابى كوردستان، گەشبینە بە داهاتووی دۆخی وەرزش لە کوردستان، دڵخۆشیشە زۆر بەرەو پێش چونێکی باشی به‌خۆیوە بینیوە.
لەم ڕاپۆڕتەدا یاریزانی لاو تازە پێگەشتوو حەمزە عەباس ئەحمەد باسی ژیانی خۆی و باسی ژیانی وەرزشی بۆ PUKmedia دەکات.
حەمزە عەباس ئەحمەد، بە PUKmedia ی ڕاگەیاند: لە19/12/1999 لەدایکبوم,سەرەتای یاریکردنم لە تیپی میللی پێشمەرگەی ناحیەی وارماوە سەربەقەزای شارەزوور دەستپێکرد، دواتر لە ساڵی ٢٠١٧ په‌یوه‌ندیم لاوانی یانەی وەرزشی سیروانی نوێ ،تا ئێستەش بەردەوامم لە یانەی سیروانی نوێ له تیپى یه‌كه‌مى یانه‌كه درێژە بەیاری کردنم دەدەم.
وتیشی: بۆندەکەم لەگەڵ سیروانی نوێ بۆ ماوەیی یەک ساڵ ئیمزاکرد، ماوەیەک پێش ئیستە بۆندەکەم لەگەڵ یانەی هەولێرى به‌شدار له خولى عیراق بۆ ماوەی ٤ ساڵ، بەڵام بە هۆکاری تایبەتی خۆم ١٥ ڕۆژ بەردەوابووم لەگەڵ یانەی هەولێر ،دواتر گرێبه‌سته‌كه‌مان هەڵوەشانده‌وه‌و گه‌ڕامه‌وه بۆ یاریكردن له یانه‌ى سیروانى نوێ .
ئاماژەی بەوەشکرد :لەگەڵ لاوانی سیروانی نوێ ئەو کات پلە یەک بوو وەرزی ٢٠١٧-٢٠١٨ بە پلەی دووەم سەرکەوتین بۆ خولی نایابی لاوانی کوردستان وەرزی ٢٠١٨-٢٠١٩ لەگەڵ لاوانی سیروانی نوێ بوینە دووەمی خولی لاوانی نایابی کوردستان، لەگەڵ تیپی یەکەمی یانەی سیروانی نوێ وەرزی٢٠٢٠ــ٢٠٢١ توانیمان پلەیی سێیەمی خولی نایابی کوردستان بەدەست بێنین و لە هەمان وەرز ببینە دووەمی جامی سوپەری کوردستان.
ئەوەشی خستەڕوو: لەگەڵ لاوانی سیروانی نوێ ٤ گۆڵ و لەگەڵ تیپی یەکەمی سیروانی نوێ ٤ گۆڵ تا ئێستە کارتی سورم وەرنەگرتوە و ٤ کارتی زەردیشم وەرگرتووە ،لە ٤ ساڵی یاریکردنم بۆ یانەی سیروانی نوێ.
حه‌مزه شوێنى یاری کردنى بەرگری باڵی چەپە، وه‌ك خۆى وتى ، خۆشترین یاری بەرامبەر یانەی شێروانە بوو، لە خولی نایابی کوردستان وەرزی ٢٠٢٠ ـ٢٠٢١ قۆناغی دووەم کە توانیان ٣بە٢ براوە بن.
زیاتر وتیشی:باوکم پاڵپشتیەکی باشم بووە ،هەروەها سوپاسی ئەو کەسانەیش ئەکەم کە بە وشەکەیش بێ، پاڵپشت و هاوکارم بوون بۆ گەیشتنم بەم ئاستە و رێزى به‌رده‌وامیشم بۆ هانده‌رانى یانه‌كه‌م هه‌یه .
حه‌مزه ده‌لێت ، له یاریزانی ناوخۆ سەرسامم بە بەهادین بەکر یاریزانی پێشووی سیروانی نوێ كه ئیستە یاریزانی یانه‌ى نەورۆزە ،یاریزانی جیهانیش سەرمامم بە کریستیانۆ ڕۆناڵدۆ.
ئەوەشی خستەڕوو: هاندەری هەڵبژاردەی بەڕازیل و پرتوگاله‌و ، هاندەری یانەی مانچستەر یونایتد و ڕیاڵ مەدریدیشه .
محەمەد عەبدولرەحمان/PUKmedia شارەزوور
له سایتى پیوكه‌ى میدیاوه وه‌رگیراوه
