ئه‌ڤرۆ
دوهی تیما ته‌پا پێی یا یانا دهۆك ڤه‌گه‌ڕیا راهێنانێن خوه ژبۆ خوه به‌رهه‌ڤكرن بۆ وه‌رزێ نوو یێ خولا پلا نایابا ئیراقێ ئه‌وا بڕیاره هه‌ڤڕكیێن وێ ل ده‌ستپێكا هه‌یڤا بهێت ب پشكداریا 20 یانا بهێته ئه‌نجامدان.
سلێمان ره‌مه‌زان راهێنه‌رێ تیما ته‌پا پێی یا یانا دهۆك بۆ رۆژناما ئه‌ڤرۆ دیاركر دوهی ده‌ست ب یه‌كا خوه یا ئێكێ یا راهێنانێ ل یاریگه‌ها پیرس كر ب به‌رهه‌ڤبوونا هه‌موو یاریزانێن ل قۆناغا پله‌ی ئۆڤ یاری كرن بتنێ دیار عه‌لی نه‌بیت ئه‌وێ ڤه‌گه‌ڕیایه یانا خوه و گۆت: بۆ وه‌رزێ نوو مه پلان و به‌رنامه‌كێ تایبه‌ت دانایه پێخه‌مه‌ت باشترین به‌رهه‌ڤی بۆ خولا پلا نایابا ئیراقێ ئه‌وا دێ ل حه‌فت هه‌یڤا بهێت ده‌ستپێكه‌ت و دنوكه دا په‌یوه‌ندیێن مه ل گه‌ل چه‌ند پیشه‌كاران به‌رده‌وامبن ژوانا ئه‌فریقی و به‌رازیلی نه ژبۆ دیاركرنا سێ ژ وانا و هه‌روه‌سان دو یاریزانێن عه‌ره‌ب كو ئێك یێ یانا نه‌فته و ئێك یێ كه‌رخه و هاتینه راهێنانان كو د نێزك دا دێ هێنه راگه‌هاندن، سه‌رباری د شیان دا نینه چو كه‌مپێ راهێنانێ بدانینن ژبه‌ركو ده‌م یێ كێمه لێ دێ چه‌ند یاریێن هه‌ڤالینی هه‌بن.
ژلایه‌كێ دووڤه ناڤهاتی دیاركر ئه‌ركێ وان ب سانه‌هی نابیت د خولا پلا نایاب دا تایبه‌ت یانێن پشكدار دێ بهێز یاریێ ل گه‌ل تیما مه كه‌ن ژبه‌ركو یانا دهۆك ناڤه‌كێ مه‌زنه و خودان سه‌ربۆر و ده‌ستكه‌فته لێ ئه‌م رژدین ڤه‌گه‌ڕیانه‌كا زلهێزا بیت و باشترین شێوه بهێنه دناڤ خولی دا و بۆ هه‌ر یاریه‌كێ ب تنێ سه‌ركه‌فتی ئارمانجا مه‌یه.
ل دووڤ ده‌نگۆباسێن هاتینه به‌لاڤكرن كو یانا دهۆكێ گرێبه‌ست ل گه‌ل گۆلپارێزێ یانا مینا ئه‌حمه‌د حه‌مید ئیمزاكریه و هێرشبه‌رێ به‌رێ یێ یانێ زیاد ئه‌حمه‌د نێزیكی ئیمزاكرنا گرێبه‌ستا یانێ بوویه.
