پەیڕەوکردنی ڕێجیمێک بۆ دابەزاندنی کێش پێویستی بەوەیە سەرەتا هەموو شتێک لەبارەیەوە بزانیت، هەروەها لەبەر ئەوەی ڕێجیمەکەی کیتۆ یەکێکە لە ڕێجیمەکانی بەناوبانگی ئەم دواییە، ئێمە هەموو زانیارییەکتان پێدەدەین لەسەری.
ڕێجیی کیتۆ چییە؟
زۆر سیستەمی ڕێجیم هەیە کە لەم دواییانەدا بیستوومانە و هەر سیستەمێک سوود و زیانەکانی خۆی هەیە، ئێمە لەم دواییانەدا ڕۆشنایی دەخەینە سەر یەکێک لە بەناوبانگترین سیستەمەکانی ڕێجیم کە ڕێجیمەکەی کیتۆیە.
ڕێجیمەکەی کیتۆ چییە؟
سیستەمێکە لەسەر بنەمای خواردنی چەوری لە بەرامبەر کەمکردنەوەی وەرگرتنی کاربۆهیدرات، بەو پێیەی کەمکردنەوەی وەرگرتنی کاربۆهیدرات و گۆڕینی بە چەوری یارمەتی زیاتر دەدات لە پرۆسەی سووتاندن.
بیرۆکەی ئەم ڕێجیمە لە دەوری کەمکردنەوەی کاربۆهیدراتەکان بە ڕێژەیەکی زۆر دەسوڕێتەوە، بە جۆرێک کەمتر لە ٥٠ گرام لە ڕۆژێکدا، و دوای چەند ڕۆژێک لە پەیڕەوکردنی ئەم سیستەمە، جەستە ئەو سووتەمەنییە نادۆزێتەوە کە پێویستی پێیەتی لە بڕی… شەکر لە خوێندا کە کاربۆهیدراتەکان بەزۆری دابینی دەکەن.
بەم شێوەیە لەش دەست دەکات بە بەکارهێنانی چەوری و پرۆتین بۆ بەدەستهێنانی ئەو وزەیەی کە پێویستی پێیەتی، بۆیە بڕێکی زۆرتر لە چەورییە هەڵگیراوەکان دەسوتێنێت، بەمەش لەش ڕێژەیەکی زۆر لە چەوریەکان لەدەست دەدات.
بەڵام ئامۆژگاری ناکرێت ئەم ڕێجیمە پەیڕەو بکرێت مەگەر لەژێر چاودێری پزیشک و بۆ ماوەیەکی کورت نەبێت بۆ ئەوەی کاریگەری نەرێنی لەسەر تەندروستی نەبێت.
لە ڕێجیمەکەی کیتۆدا چى ڕێگەپێدراوە و قەدەغەیە
دەتوانرێت ئەو چەورییە تەندروستانەی لە گۆشتی سوور و پەلەوەر و هێلکە و ماسیدا هەیە بخورێت، هەروەها سیستەمەکە ڕێگە بە خواردنی کەرە و جۆرە جیاوازەکانی پەنیر دەدات، بەڵام بە ڕێژەیەکی سنووردار، ئەمە جگە لە سەوزەی کەم کارب وەک سەوزەی گەڵادار وەک قەیسی و سپێناخ.
هەروەها دەتوانیت گوێز بخۆیت و زەیتی زەیتون یان زەیتی گوێزی هیندی بخەیتە ناو خواردنەوە.
لە لایەکی ترەوە سیستمەکە خواردنی برنج و مەعکەرۆنی و گەنم و گەنمەشامی و پەتاتە و شەکرەکانی وەکو شیرینی و خواردنەوە گازییەکان و شەربەتی ناسروشتی و میوە بە هەموو جۆرەکانییەوە قەدەغە دەکات، بە وشککراوە و قوتوو، ئایسکرێم و ئەوانی تریشەوە.
چۆن ڕێجیمەکەی کیتۆ پەیڕەو بکەین؟
هیچ حساب و بڕە خۆراکێکی دیاریکراو نییە کە پێشنیار بکرێت لە کاتی ڕێجیمەکەی کیتۆدا بخورێت، ئەگەر هەستی بە برسێتی کرد، ئەوا ئەوەی ئارەزووی دەکات لەو شتانەی کە پێشتر باسکراون دەیخوات، و خۆی لە حەرامەکان بەدوور دەگرێت.
باشتر وایە خۆراکەکان دابەش بکرێت بەسەر سێ ژەمدا، بۆ ئەوەی هەر ژەمێک جیاواز بێت و ماددە خۆراکییە ڕێگەپێدراوەکانی تێدابێت.
بەم سیستەمە پێویستە ڕۆژانە ٨ کوپ ئاو بخۆیتەوە، هەروەها دەتوانیت چا و قاوە بخۆیتەوە، بەڵام بەبێ ئەوەی شەکریان تێبکەیت.
کاریگەرییە زیانبەخشەکانی ڕێجیمەکەی کیتۆ
کۆمەڵێک زیان هەیە کە بەسەر ئەو کەسانەدا دێت کە ئەم سیستەمە پەیڕەو دەکەن و ئەوانیش بریتین لە:
هەستکردن بە زەبر و زەنگ
بەتایبەت لە قۆناغی یەکەمی پەیڕەوکردنی سیستمەکەدا، چونکە لەش هەوڵدەدات خۆی لەگەڵ سەرچاوەی وزەی بەدیلدا بگونجێنێت، بەو پێیەی لەبری کاربۆهیدرات پشت بە چەوریەکان دەبەستێت، هەربۆیە واباشە ئاوێکی زۆر بخورێتەوە بۆ زاڵبوون بەسەر هەستی ماندوێتیدا.
برسێتی خێرا
ئەمەش دەگەڕێتەوە بۆ خۆبەدوورگرتن لەو خۆراکانەی کە ڕیشاڵیان تێدایە، کە توانای پڕکردنەوەی برسێتییان هەیە و وادەکات بۆ ماوەیەکی درێژتر هەست بە تێری بکەیت. بۆیە باشتر وایە سەوزە گەڵادارەکان بخورێت کە لە سیستەمەکەدا ڕێگەیان پێدراوە بۆ سنووردارکردنی ئارەزووی خواردن بۆ ماوەیەکی زۆر.
کێشە تەندروستییەکانی تر
زۆر خواردنی چەوری ئەگەری تووشبوون بە نەخۆشییەکانی دڵ زیاد دەکات. بۆئەوەی ئەمە ڕوونەدات دەبێت هاوسەنگی لە نێوان ئەو خۆراکە ڕێگەپێدراوانەدا دروست بکرێت کە بە درێژایی ڕۆژ دەیخۆین، بۆ ئەوەی ڕێژەی چەوری لە پرۆتین یان ماددە خۆراکییەکانی تر زیاتر نەبێت لە سێ ژەمەکەدا.
هەروەها پێویستە سەوزە بە شێوەیەکی سەرەکی لە هەموو ژەمێکدا بخورێت، لە بەرامبەر کەمکردنەوەی ڕێژەی چەوری.
نووسین و ئاماده‌كارى : یاسه‌مین ته‌یب له وێب سایتى پزیشكى
