په‌نجاو شه‌ش ساڵ پێش ئێسته له خانه‌واده‌یه‌كى ناسراوى شارى سلێمانى له دایكبووه ، هه‌ر له منداڵیه‌وه خولیاكانى لێ ده‌ركه‌وت ، ئه‌و له ته‌مه‌نى نۆ ساڵیه‌وه مێژوویه‌كى بۆ خۆى نووسیه‌وه نه‌وه به نه‌وه‌و مێژووى وه‌رزشى كوردستان له په‌ره‌كانیا به شانازییه‌وه ده‌ینووسێته‌وه .
سازگار ئەحمەد عارف، ئه‌و خانمه بوو كه بۆ یه‌كه‌م كه‌س له ره‌گه‌زى خۆى له شارى سلێمانى و كوردستان وه‌ك وه‌رزشكارێك پایسكیل لێ بخورێت ، رۆژ به رۆژ ئاستى ئه‌و خانمه به‌رز بووه‌و نه‌ریتێكى گه‌وره‌ى شه‌رم و ترسى بۆ خانمان تێك شكاند .
سازگار ئه‌حمه‌د 3ساڵ بەدوای یەک دا پاڵەوانیەتی ناوچەی ئوتۆنۆمیی یەکەم بەدەست هێناوە بەشدار پاڵەوانیەتی عیراقی کردوە پلەی سێەمى بەدەست هێناوه لە ساڵی ١٩٧٨/ ١٩٩٦ یاریزانی تۆپی سەرمێز بووە لە یانەی سلێمانی بەشداری ده‌یان پاڵه‌وانێتیی كردووه .
ساڵی ١٩٩٦/ لە کۆتای پاڵەوانیتی ژنان بە بەشداربونی 21 یاریزان توانی پلەی یەکەم بەدەست بینی هەروها یاریزانی گۆڕه‌پان و مەیدان بووه .
ساڵى ١٩٩٨ سازگار ئه‌حمه‌د عارف له گه‌ڵ محه‌مه‌د عه‌بدولجه‌بارى هاوسه‌رى كه یاریزانى دیارى هه‌ڵبژارده‌ى عێراقى ئه‌و كات و راهێنه‌رى ئێستاى یانه‌ى غه‌رافه‌ى قه‌ته‌ره ده‌چنه وڵاتى قه‌ته‌رو ماوه‌ى بیست و دوو ساڵه له‌و وڵاته ژیان به‌سه‌ر ده‌به‌ن ، ئێستا سازگار ئه‌حمه‌د له ده‌وحه‌ى پایته‌ختى قه‌ته‌ر مامۆستاى وانه‌ى وه‌رزشى یه‌كێك له قوتابخانه‌كانى ئه‌و وڵاته‌یه‌و خاوه‌نى دوو منداڵه‌و یه‌كێك له منداڵه‌كانى تاكه كورده له ئه‌كادیمیاى ئه‌سپایه‌ر ده‌خوێنێت .
سپۆرت میدیا -تایبه‌ت
