ره‌سوڵ بارامى
ئاشکرایە کەلار لانکەی تۆپی پێ یەلەساڵانی هەشتاکانەوە تا ئێستایش ، چەندین تیپ و یاریزانی بەتوانای تێدا هەڵکەوتوە،دواتر یانەکانی کوردستان زیاتر پشتیان بەیاریزانانی کلاری بەستوە. نمونەیشمان زۆرە.دەربەندیخان. نەورۆز. کفری. خانەقین. چەندین یانی دیکە،بەداخەوە لە ئێستایا کەس خۆی بەخاوەنی ئەم شارە نازانێ لیژنەی تیپە ملیەکانی کلار تەنها بە ناو ماون لە ئەرزی واقیع نەمان.
ساڵانە خول بۆ تیپە پلە یەک و دووەکان ئەکرێتەوە. ئەمساڵ نەتوانرا ئەو خولە بکرێتەوە، کەلار خاوەنی پێنج یاریگایە تایبەت بە تیپە ملیەکان. کۆی تیپەکان ۳۷تیپن. هەرکەس بۆخۆی خول دەکاتەوە ، وەک سواڵکەریان لێهاتوە، ئەگەڕێن بزانن ، کام شەهید ناودارو دەوڵەمەندە یان کام بەرپرس دەوڵەمەندە خولێک بەناویەوە ئەکەنەوە.
یاخود تیپەکان خۆیان مەبلغێک پارە ئەدەن بۆ کردنەوەی خول ئەمەیش وەک قوماری لێهاتوە. ئایا وەرزش و لاوان لە کوێن؟ وەزارەتە زەلاحەکە لەکوێیە؟ لیژنەی تیپە میلیەکانی سەوزو زەرد لەکوێن.؟
تاکەی ئەم پادشا گەردانیە بەردەوام ئەبێت؟ کێ خاوەنی ڕاستەقینەی وەرزشە؟ کەسانی شارەزا بۆ نزیکی وەرزش نابنەوە؟ڕۆژنامەنوسان بۆ باسی کەلێنی وەرزشی ناکەن؟
