ئەو کە پیشەی نانەواییە لەدوای ڕاهێنانەکان ، یاریزانی کاراتی وگەنجێکی دانیشتووی قەزای سەیدساقە ، لەئیستەدا له پاڵەوانیتی ئاسیایه لەگەڵ هەڵبژاردەی عێراق لەوڵاتی کازاخستان .
بەڕێز لوقمان یاریزانی کاراتی یانەی سەیدسادق ڕاگەیاند: بەشداردەبم لەپاڵەوانێتی وڵاتانی کیشوەری ئاسیا کە سبەینێ شەممە 18 مانگ دەستپێدەکات بۆ ماوەی چوار ڕۆژ بەردەوامە پاڵەوانێتییەکە، کە لەوڵاتی کازاخستان بە ڕێوەدەچێت .
بە ڕێز وتیشی: له ساڵی 2002 لە قەزای سەیدسادق لەدایک بووم و نزیکەی هەشت ساڵە دەستم بە یاری کاراتی کردووە ، خاوەن پشتیونی ڕەشم .
ئاماژەی بەوەشکرد: بەشداریم پاڵەوانییەتییه‌كانی سلێمانی و کوردستان و عێراق کردووە و پلەی یەکەمم تیایاندا بەدەست هێناوە، هەروەها بەشداریم لە پاڵەوانییەتییه‌كانی کەنداوی فارس و جامی میللەتان لە کرماشانی ڕۆژهەڵاتی کوردستان و پاڵەوانییەتییەکی تر لە شاری شیراز لە ئێران کردووە، لە سەرجەمیان پلەی یەکەمم بەدەست هێناوە.
ئەوەشی خستەڕوو: خاوەن چەندان خەڵات و ملوانكەی جۆراوجۆرم، ئێستەیش لە کازاخستانم و سەرقاڵی خۆئامادەکردنم ، بۆ بەشداریكردن لە پاڵەوانییەتی کیشوەری ئاسیا لەم وڵاتە.
بەڕێز دەڵیت : جگه له هەوڵی و خۆم و خێزانەکەم، هیچ کەس و لایەنێک پاڵپشت و هاوکارم نییە، لە دوای ڕاهێنانەکان دەچم بۆ سه‌ر پیشەکەم کە نانەواییە، به‌ڵام بەردەوام لە هەوڵدام بۆ برەودان بە خولیاکەم کە یاری کاراتییە و مەشق و راهێنانی بۆ ئەکەم.
زیاتر وتیشی : كه لە دوای بەشداریکردنم لەم پاڵەوانیەتییەی لە وڵاتی كازاخستان بەڕێوە دەچێت، ئامادەکاری بۆ بەشداریکردن لە چەند پاڵەوانیەتییەکی نێودەوڵەتی دیکە دەکەم .
محەمەد عەبدولرەحمان- شارەزوور
