دیدارێك له‌گه‌ڵ گۆڵكارى خولى نایابى تۆپى ده‌ستى عێراق
مامۆستا كه‌مالى راهێنه‌ر پاڵشتى سه‌ره‌كی بوون بۆ به‌ره‌و پێشچوون
بە کۆتایهاتنی یارییەکانی خولی تۆپی دەستی یانە نایابەکانی عێراق، یاریزانێکی کوردی تۆپی دەستی یانەی سلێمانی دەبێتە گۆڵکاری خولەکە.
وەرزی ئەمساڵ یانەی سلێمانی پلەی پێنجەمی یانە نایابەکانی عێراقی دەستەبەر کرد، بەڵام یاریزانێکی تیپەکە گۆڵکاری خولەکەی گرت ئەویش سەهەند ئەشرەف بوو کە توانی لەم وەرزە ١٦١ گۆڵ بۆ تیپەکەی تۆمار بکات .
سه‌هه‌ند كێیه ؟
سەهەند ئه‌شره‌ف ساڵی ٢٠٠١ لە دایکبووەو لە ساڵی ٢٠١٦ وە لە تیپە جیاوازەکانی سلێمانی یاریکردووەو یاریزانی هەڵبژاردەی لاوانی عێراقەو بۆ ئەم وەرزەش لە ناو دەیان یاریزانی پیشەگەری خولەکە نازناوی گۆڵکاری خولەکەی مسۆگەر کرد.
كێ پاڵپشتت بووه ؟
هه‌ر له‌و كاته‌وه‌ى ده‌ستم به یاریكردن كردووه ، له رێگه‌ى مامۆستا ئاوات و كامه‌ران حه‌سه‌ن ئه‌ندامى ده‌سته‌ى كارگێرى یانه‌كه‌و مامۆستا كه‌مالى راهێنه‌ر پاڵشتى سه‌ره‌كی بوون بۆ به‌ره‌و پێشچوون .
كه‌ى یه‌كه‌م یاریت له خولى عێراق ئه‌نجامداوه ؟
له ساڵى 2018 وه‌ك یه‌كێك له بچوكترین یاریزانانى خولى نایابى عێراق یاری كردووه‌و ئه‌مساڵ سێیه‌م ساڵى له‌سه‌ر یه‌كه له‌و خوله به‌رده‌وامه و بۆ ئەم وەرزەش لە ناو دەیان یاریزانی پیشەگەری خولەکە نازناوی گۆڵکاری خولەکەم مسۆگەر کرد.
له‌به‌ر خوێندنه‌كه‌ى تیپه‌كه‌ى نه‌گۆڕى
ئه‌و خوێندكاره په‌یمانگاى وه‌رزشى ئێوارانى سلێمانییه ، گه‌رچى چه‌ندین گرێبه‌ستى بۆ هاتووه به‌ڵام به‌هۆى خوێندن و ئه‌و ئامانجانه‌ى هه‌یه‌تى ته‌واوى گرێبه‌سته‌كانى ره‌تكردۆته‌وه .
خه‌ونى هه‌ڵبژارده‌ى نیشتیمانیه .
سه‌هه‌ند له ئێستادا یاریزانى تیپى لاوانى عێراقه به‌ڵام خه‌ون و خولیاى گه‌یشتنه به هه‌ڵبژارده‌ى نیشتیمانى عێراق تاوه‌كو كوردێك ناوى له پاڵه‌وانێتییه‌كانى ده‌ره‌وه بدره‌وشێته‌وه .
