له مه‌راسیمێكى شایسته‌دا ئێواره‌ى ئه‌مرۆ شه‌ممه له‌سه‌ر یاریگاى به‌رێوه‌به‌رایه‌تى لاوانى شارى سلێمانى كۆتایی به پاڵه‌وانى یاریگاى كراوه‌ى تۆپى پێ هات بۆ كچانى ناوه‌ندو یانه‌كانى شارى سلێمانى و ده‌وروبه‌رى .
له مه‌راسیمى یاری كۆتایی پاڵه‌وانێتییه‌كه كه سه‌رتیپ عه‌لى به‌رپرسى بۆردى وه‌رزشى یه‌كێتیی نیشتیمانى كوردستان و چه‌ندین به‌رپرسى حكومى و وه‌رزشى شارى سلێمانى ئاماده‌بوون ، هه‌ردوو تیپى كچانى شارى سلێمانى و چه‌مچه‌ماڵ به‌رامبه‌ر یه‌كتر وه‌ستانه‌وه‌و سه‌ره‌نجام كچانى سلێمانى توانیان یارییه‌كه به چوار گۆڵ به‌رامبه‌ر گۆلێك یارییه‌كه ببه‌نه‌وه .
پاش كۆتایی هاتنى یارییه‌كه‌ش خه‌ڵات به‌سه‌ر تیپه سه‌ركه‌وتووه‌كان و یاریزانان و راهێنه‌رو چه‌ندین كه‌س و لایه‌ن دابه‌شكرا .
ناوه‌ڕاستى ئه‌م مانگه له شارى سلێمانى به به‌شدارى هه‌شت تیپ پاڵه‌وانێتى تۆپى پێى كچان ده‌ستیپێكردو ئه‌مرۆش كۆتایی به پاڵه‌وانێتییه‌كه هات .
به‌شى وه‌رزش
